Page 22 - AAA

Cruz Cora semper ta cla sea ta temporada di horcan of no

Thursday, 06 July 2017 21:02
1

Comparti

Michel La Haye ta director di Cruz Cora y e ta comenta riba e temporada di horcan, con prepara Cruz
Cora ta. Cruz Cora ta un organisacion di ayudo y no sa nunca ki ora calamidad ta bati na porta.

Nan ta spera di su voluntarionan pa semper nan ta prepara. Semper nan mester prepara nan mes pa ora
cu yama nan, pa yega Cruz Cora di biaha. Hopi biaha nan tin nan uniform den nan auto pa asina nan
drenta den servicio di biaha.
Ta papia aki di alerta maximo. Cruz Cora ta bon na altura kico ta pasa den e region. Alabes por a mira
durante e awasero na November, cu pafo di e temporada di horcan, varios voluntario tabata disponibel
pa brinda ayudo. Esaki tin di haber cu semper nan ta prepara no solamente den e temporada di horcan,
pero por conta riba nan tambe pafo di e temporada. Nan ta conta riba nan voluntarionan. Tambe cu e
tareanan nobo hunto cu SABA tin mester di voluntario. Si bo tin tempo y durante dia y ta biba den e area
di San Nicolas por meld como voluntario na Cruz Cora. Unico cos cu Cruz Cora ta pidi ta pa bo tin e
curason na e luga corecto y kier yuda hende. Esey ta e unico exigencia cu Cruz Cora ta pidi. Naturalmente
dedica algun ora pa asina haci e trabao aki.

E voluntarionan ta ricibi bon training. Curso di introduccion, lesnan di EHBO, training con pa bay cu
pashent den un ambulance. Esey por sosode solamente si Cruz Cora wordo yuda. Nan ta wordo yuda
door di donacionnan di empresa y individuonan na Aruba y esaki no por tabata posibel cu e donacion
anual di Refineria di Aruba y tambe e accion di gasolin, caminda cu Cruz Cora ta haya un suma
considerabel caminda cu nan por haci nan trabao, por uniforma nan voluntarionan y tambe pa por entre
na nan.

Entrenamento Internacional
Luna pasa Cruz Cora a tene un entrenamento cu e sistema MEGA 5 di Cruz Cora Internacional. Ta un
sistema di distribucion cu ta traha cu bar codes. Door di esey por yuda abastece gruponan grandi na un
manera hopi lihe. E sistema ey ta wordo uza actualmente. Pero tin mas entrenamento, segun la Haye. Fin
di e luna aki lo bay cu algun voluntario na Suriname pa eynan sigui un entrenamento riba distribucion di
awa, higiena di awa y sanidad. E entrenamento aki tambe ta uni importante, na Aruba dimes. Sin awa,
bida ta caba rapidamente. Tin cu percura si algo pasa, pa e voluntarionan ta cla pa distribui awa limpi. Lo
bay sigui e entrenamento aki cu algun trahadonan di WEB, kendenan tambe ta bay. Riba dia 7 di october
nan lo sigui un entrenamento grandi, unda cu loke nan a siña, nan por uza den practica.

Materialnan nobo
Cruz Cora tin un logo nobo. Hunto cu Cruz Cora Hulandes, a refresca e uniform haciendo esaki uno
moderno y nobo. La Haye ta contento cu e cambio aki, aunke cu e Cruz Cora lo keda semper. Esaki a
sosode solamente pa Cruz Cora Hulandes. Nan tin e pechi blauw, carson shinishi y e vest cora, cual ta