Page 40 - DESPA

serka hende muhé hóben ku tin edat pa sali na estado. Durante embaraso diabétis por surgi
temporalmente. E diabétis di embaraso aki ta disparsé atrobe despues di nasementu di e yu. Hende
muhé ku diabétis tin mas chèns di haña komplikashon durante embaraso manera preshon haltu i beibi

muchu pisá ku problema ora nan nase. P’esei rónt mundu ta tene un kampaña pa stimulá
konsientisashon i ‘screening’ (detekshon) tempran. Prevenshon den forma di un estilo di bida salú ku
atenshon spesial pa kuminda saludabel ta di importansia promé, durante i despues di embaraso.

Durante e kampaña aki ta pone atenshon tambe riba nutrishon saludabel pa e beibi.

Na Boneiru tambe ta duna atenshon na prevenshon di diabétis i otro malesanan króniko. E
departamentu di Salubridat Públiko den kuadro di promoshon di salú ta traha ku diferente programa

pa stimulá un estilo di bida salú serka henter e poblashon di Boneiru. E programanan aki ta keda
ehekutá den koperashon ku diferente instansia den komunidat boneriano. Un estilo di bida salú ku
kuminda saludabel i sufisiente moveshon ta yuda pa prevení diabétis i otro malesanan króniko.

Dia 14 di novèmber e poli di diabétis di Fundashon Mariadal tin un dia habrí kaminda ta duna
informashon akompañá pa algu di kome i bebe.

E diputado enkargá ku Salubridat Públiko di Boneiru, sr E. Cecilia, ke motivá pueblo henter pa yega
na un estilo di bida salú pa no solamente prevení diabétis, pero tambe sobrepeso i otro malesanan

króniko. Tambe diputado ke manda su mihó deseonan pa tur hende den nos komunidat ku tin diabétis
i apoyá nan pa alkansá un patronchi di kome salú i un estilo di bida salú. Ku esaki por prevení

komplikashon. Sigui tur konseho i instrukshon di bo internista, spesialista, dòkter, dietista, enfermera
i otro profeshonalnan i sòru pa sufisiente moveshon.