Page 44 - AHATA

Den e contexto aki e tema di Venezuela a bin dilanti. E tema aki ta parti den dos
diferente aspecto y esun prome tin di haber cu e embargo cu tabata “in place” for di dia
6 di Januari ultimo, dia cu Presidente di Venezuela Nicolas Maduro a anuncia cu lo cera
e fronteranan entre su pais, Aruba y Curacao.

E dignatario a splica cu Minister Stef Blok, titular di Relacion Exterior di Reino e
momento ey a primitin cu e lo bay boga pa lanta e medida aki. Algo cu a tuma lugar
Diasabra ultimo, unda a keda firma un documento oficial, pero gobierno di Aruba no a

haye ainda, aunke si ta asina cu e ta circula.

Den e documento a yega na palabracion tocante algun punto. Esaki ta e mesun
documento cu a wordo elabora riba dje dia 6 di Januari den cual ta ser indica cu e

paisnan ta bay traha hunto pa combati loke ta ilegalidad, contrabando, y e ora ey e
fronteranan a habri.

E bon noticia di esaki ta cu e espacio aereo pa nos hendenan bay Venezuela busca nan

salud, of bay haci bishitanan familiar tey atrobe.

Esaki no kiermen cu esaki ta “business as usual” e dignatario a expresa. Kiermen cu tin
e palabracion si, pero Aruba a bin cu cierto condicionnan y riba esakinan Minister di

Transporte y Minister di Husticia a amplia durante e conferencia di prensa aki.

E hecho cu e fronteranan ta habri ta nifica cu e trafico di persona por tuma lugar di
Venezuela pa Aruba y Aruba pa Venezuela, pero e mandatario a enfatiza cu e control

den nos fronteranan lo bira hopi mas estricto.

E dignatario a subraya cu e personanan cu ta drenta legalmente na nos teritorio ta bon
bini, pero ilegalidad si lo wordo combati cu hopi mas forza, mirando e circumstancianan

cu nos pais ta pasando aden, ya caba, cu tin hopi imigrante cu no tin status legal na
Aruba.

Prome Minister sra. Wever-Croes a indica, encuanto e productonan, cu na momento cu

esakinan wordo importa solamente por drenta esnan cu ta bin cu certificado di origen.