Page 11 - ARUBA BANK 9 MAART 2016

Famoso BBA Bank na Arulex Building ta sera su portanan

Tuesday, 08 March 2016 19:57
Tweet
Comparti

Pa hopi tempo a tende cu e BBA Bank ta di e abogado Hendrik Croes. Kizas den pasado e por a
representanan y pesey mes como consehero legal su nomber tabata aparece como un di e integrantenan
di e banco. Sinembargo e banco aki tabata di un grupo Venezolano cualnan tin amistad cu e bufete di
Hendrik Croes cu ta tata di e lider di MEP.

E lider di MEP tambe conoce e grupo aki pasobra ta for di 2009 caba nan a habri nan porta pero e
proceso pa establece un banco na Aruba a cuminsa prome cu esaki. E tempo ey e lider di MEP tabata
traha full time na e bufete di su tata. Despues cu el a drenta politica ainda el a keda atende hende estilo
part time pasobra tabata mire mas eynan cu na Parlamento. E grupo di BBA Bank awendia ta masha den
noticia. Ta un grupo Venezolano cu ta wordo cuestiona masha hopi mes. Tin mas cu diez empleado
trahando na e Banco aki. Mayoria ta empleadonan cu a bandona otro banco local pa asina cuminsa un
carera nobo cu BBA Bank. Awor nan tur ta bay perde nan trabou pasobra e Banco Cuestionable aki lo
sera su porta. Parce cu ya caba e bufete di abogado amigo di e doñonan cuestionable aki a notifica Banco
Central di e seramento di BBA Bank. Aunke aña pasa ainda e grupo kier a switch di Off Shore Banking pa
competi cu bando comercial local, awor cu nan ta wordo cuestiona mas y mas a dicidi di sera e banco mes
completo. Nan a haya hasta ok di Banco Central pa bira uno comercial y competi. Den pasado ora a
establece na Aruba, parce a traha tur tempo sin permiso di Banco Central. Di e tempo ey caba a cuestiona
e Banco aki y esnan cu tabata representa e banco na Aruba. Parce e situacion ta basta cayente pa e
doñonan Venezolano cu a opta pa mihor sera e banco cual tambe ta tuma su proceso. No por djis yega
sera y bandona Aruba. Mester tuma e tempo necesario manera reglanan ta rekeri. Probablemente si
persigui e grupo cuestionable aki nifica cu esnan cu ta investigandonan lo bin Aruba. Riba rednan social
ta hopi cos tin contra e grupo aki for di tempo di e gobierno di MEP y cu figuranan prominente di MEP.
Lo sigui e desaroyo aki masha di cerca pa mira kiko lo bay sosode.

http://www.24ora.com/local-mainmenu-5/106160-famoso-bba-bank-na-arulex-building-ta-sera-su-
portanan