Page 37 - FDLP
P. 37

A20    DEPORTE
                     Diaranson 25 Juli 2018


                                     Aruba Karate Bond a gana  9 medaya na Corsou


            ORANJESTAD  -  Recientemente
            Aruba Karate Bond a biaha pa nos
            isla ruman Corsou pa asina par-
            ticipa na e ‘4th Caribbean Karate
            Championship Curaçao 2018’.

            Durante  e  campeonato  aki,  Aruba  a
            confronta  Trinidad  &  Tobago,  Cay-
            man  Islands,  Santo  Domingo,  Cor-
            sou y Boneiro. E karatekanan Mare-
            sha  Tromp,  Janilaine  Bello,  Silvana
            Agudelo,Keven  Prada,  Alejandro
            Gonzalez Lujan y Kevin Lugo a trece
            9 medaya (2 oro, 5 plata, 2 brons) pa
            Aruba. E karatekanan ta contento cu
            nan  prestacion.  Nan  experiencia  na
            Corsou ta duna nan extra motivacion
            pa sigui cu mas animo padilanti.

            Assistant coach di Aruba Karate Bond,
            sensei Lucio Alberto Gonzalez ta sat-
            isfecho cu e trabou di e karatekanan.
            E ta kere cu cada un a haci nan maxi-
            mo esfuerso. Mas cu claro, e ta realisa
            su  mes  tambe  cu  mester  sigui  traha
            duro pa por yega mas leu. E caminda
            ta largo pero sigur no imposibel. Ta
            wak ora bo ta participa den exterior
            cu  e  nivel  di  competencia  ta  halto.
            Mester haci uzo di e oportunidadnan
            aki pa sigui haya mas experiencia, mas
            ‘fogeo’. Esaki ta segun e comunicado
            cu nos a ricibi.

            Otro  persona  contento  cu  e  presta-
            cion di e karatekanan di Aruba ta sen-
            sei Felix Tromp, presidente di Aruba
            Karate Bond. Su persona a haci uzo
            di  e  oportunidad  na  Corsou  pa  re-
            conecta cu tur organisacion di karate
            presente  y  intercambia  ideanan  pa
            proyectonan  nobo.  A  gradici  sensei
            William Millerson, vice-presidente di
            World Karate Federation pa su invi-
            tacion y apoyo cu su persona ta du-
            nando Aruba.

            Un felicitacion di Aruba Karate Bond
            pa  e  seleccion.  Tambe  Aruba  Karate
            Bond ta gradici e ekipo di coach, tur
            instructor  di  e  karatekanan  den  se-
            leccion (esta Sensei Luis Escalona di
            dojo  Shibumi,  Sensei  Jose  Vivas  y
            Sensei  Ligia  Perregil  di  Ryubu-Kai
            Aruba y Sensei Robert Silva di dojo
            Shoshinkai),  e  fotografo  Jacinto  de
            Jesus  (Corsou),  tur  mayor,  tur  bo-
            luntario,  Comite  Olimpico  Aruba
            (COA),  Aruba  Sport  Unie  (ASU),
            Stichting Sportsubsidie Aruba (SSA)
            y Lotto pa Deporte.
   32   33   34   35   36   37   38   39   40   41   42