Page 6 - AM221223

6 LOCAL AWEMainta
Ayaca pa temporada di fin di
aña ta kibra barera di 10 florin
nflacion ocasiona pa pandemia di covid, causa pa e crisis petrole-
I ro, ta pone cu fiestanan di Pasco y di cambio di aña, lo no bira me-
sun cos den e aña aki, ya cu practicamente prijs di tur cos a bira ma-
sha caro mes.
Ya caba e prijs di kerstboom ta conoci caminda esaki ta laba laba entre
e suma di 250 te hasta na 300 florin pa un kerstboom grandi mientras
cu e kerstboom chikito cu tabata costa 100 florin maximo, e aña aki a
aumenta te na 175 florin, pues casi dobel di e prijs anterior.
Fuera di esey e cantidad di kerstboom cu a wordo importa e conoce un
caida den e cantidad cu a wordo importa y pa colmo tin algun lote cu a
bin casi bruin total cu a pone cu mester a deshaci di nan.
Decoracion pa kerstboom tambe a conoce aumento di entre 30% pa
50% loke tambe a pone cu benta di adornonan, a conoce un reduccion
substancial e aña aki caminda hopi hende no por a cumpli cu e prijsnan
cu a subi asina drastico.
Pa loke ta cuminda di Pasco, tin cu mustra cu entre otro e tradicional
ham di Pasco, a conoce tambe un aumento drastico, caminda un pida
ham cu aña pasa tabata costa entre 38 pa 45 florin, e aña aki practi-
camente ningun pia di ham ta baha bou di 50 florin y tin cu a yega 80
florin.
Hasta tin un tipo di ham nobo, completamente prepara y hunto cu saus
y den un paki di plastic hopi special, e prijs tabata riba 150 florin pero
tur cos ta mustra cu e ta practicamente un ham djis pa keinta y come,
cu tur su saus y fruta concerni.
Loke mas a sorprende hopi hende e temporada di Pasco aki, tabata
e prijs di ayaca, cu pa prome bes den historia di Aruba, a surpasa e
rd
Diabierna, 23 December 2022
barera di 10 florin y hasta tin cu ta ser bendi pa un suma di 12,50 florin
mientras cu tin otronan cu prijs di ayaca ta varia entre 7,50 pa 9.75
pero riba dje e grandura di ayacanan a cambia formalmente.
No solamente cu a prijs di ayaca a conoce un aumento barbaro, pa haci
e situacion asina mas pio ta cu e ayaca su grandura a cambia, pues
esun cu ta traha e ayaca pa bende, no solamente a aumenta e prijs pa
motibo cu tanto foyo como hariña y ingredientenan a aumenta di prijs
pero tambe a dicidi di reduci e grandura di e ayaca formalmente.
Tin algun caso caminda e ayaca su grandura a keda reduci cu sigur
un 25%, algun casi na mita pero e prijs a wordo aumenta, pues e
consumido ta haya menos ayaca pa come pero e tin cu paga mas placa
pa come mita ayaca compara cu aña anterior.
Prijs di suls cu ta otro specialidad di e temporada aki, tambe a aumenta
caminda awendia un baki di suls cu aña pasa tabata costa 50 florin, e
aña aki mesun cantidad di baki di suls ta riba 75 florin y un tiki extra
mas, e suls ta bira 100 florin pa baki.
Pa no papia mes di bolonan special pa e dianan aki, bolo conoci como
bolo di frigidaire cu simplemente a bira impagabel loke a pone hopi
hende bay over na cumpra loke ta conoci como bolo di manteca pa
reparti si conoci nan bin di bishita.
E ta un Pasco hopi caro, afecta pa un inflacion costoso di cual sin final
ainda no ta den bista por lo pronto.