Page 9 - DVG

Normalmente despues di un luna cu prijs di petroleo baha, tur otro prijs ta baha incluso
di ticket di turistanan cu ta bishita Aruba. Esey ta berdad pero awor mester analisa e
situacion cu ta pone e prijs di petroleo baha y ta mira con den e situacion actual,
prijsnan ta subi manera un fli si den un par di siman no tin solucion pa e coronavirus

nobo cu a dal mundo mas duro cu otro coronavirus den pasado.

E motibo pa cual mester baha prijs di petroleo, ta pasobra na China produccion di
material a paralisa.

Ban analisa e parti aki pa asina nos tur comprende e menasa grandi.

Fabricanan y industrianan Chines a paralisa. Nan no ta produci mas. Pasobra nan no ta

produci mas, nan no mester di petroleo na e cantidad cu nan tabata cumpra y
importacion na e pais, ta den problema serio.

Pa enfrenta e coronavirus nobo, fabricanan y industrianan na China a cera nan porta te

ora e epidemia conoce un fin. Kico esaki ta encera?

Ban analisa cantidad di articulo cu hende ta cumpra na Aruba, durante vacacion cu ta
probecha cumpra cos y hasta online. Check e etiketnan.

Fan pa haya aire fresco. Potlood pa skirbi. Auto chikito barata pa muchanan hunga.
Paña pa bisti. Cuminda cu ta come. Bais cu ta core riba fietspad. Auto cu ta hiba mucha
school. Telefon pa chat. Nos a menciona algun producto.

Den hopi caso ta topa cu un etiket cu ta bisa cu e producto a wordo traha na China.
Esaki ta nifica cu na e momento aki, no tin produccion di e articulonan aki pasobra
produccion di China ta paralisa.

Si kier cumpra e articulonan aki, mester cumpra loke tin den stock na companianan
pafo di Merca, cu lo no aumenta nan stock, pasobra no por importa for di China.

Por dicidi pa cumpra articulo di otro pais. Den hopi caso e articulonan aki ta wordo
produci na e pais pero cu piesa Chines. Resultado ta, cu awor no tin produccion di e
piesanan aki loke ta nifica cu lo tin scarsedad.