Page 29 - AWEMAINTA

AWEMainta Diaranson, 12 Juli 2017 29

Lotto contento di por contribui

cu ‘Ban Move Camp 2017’

E temporada di vakantie escolar a inicia y un bes mas ASU den colaboracion cu
IBISA ta organisa un campo di vacacion pa nos muchanan.
Den e ultimo añanan e ‘Ban Move Camp’ a bira masha popular y mirando e
participacion grandi a dicidi di ripita e actividad aki cu ta conta cu e sosten di
Ministerio di Deporte y Fundacion Lotto pa Deporte

Durante 3 siman largo, di 10 te cu 28 di juli 2017, e acomodacionnan deportivo
di Centro Deportivo Betico Croes na Sta. Cruz, Joe Laveist Sport Park na San
Nicolas y Centro Deportivo Frans Figaroa na Noord lo entretene alrededor di
100 mucha pa localidad, e mayoria di scolnan basico.
Cada dia e muchanan ta haya actividadnan di movecion manera futbol, volley-
ball, beach volleyball, coremento di bicicleta y diferente wega cu tin di haber cu
traha hunto, yuda otro, ect. Tur particiapnete a ricibi un t-shirt, mientras tur
dia ta ofrece 1 sandwich, 1 juice y 1 fruta.

Mirando di e importancia pa tene nos muchanan ocupa cu actividadnan di
movecion y sano, Lotto ta masha contento di por contribui grandemente na
proyectonan importante pa nos muchanan.
Un danki sigur na Lotto, e Loteria di Aruba pa medio di Comision di Subsidio
a subsidia e Ban Move Camp 2017.