Page 39 - AWEMAINTA

AWEMainta Diaranson, 12 Juli 2017 39

Promocion internacional pa Aruba

por medio di Elite Productions

RECIENTEMENTE, un
di e medionan lider den e in-
dustria internacional di luznan
pa concierto y otro eventonan
LiveDesign a dedica un articulo
specialmente riba Aruba. Motibo
di esaki ta debi na e produccion
di luz impresionante cu Elite
Productions & Entertainment a
percura pa ehecuta durante Soul
Beach Music Festival 2017.

E revista a keda impresiona p’e
forma profesional con Elite Pro-
ductions & Entertainment a sa di
ilumina e shownan di artistanan
di taya internacional manera
Usher, Mary J Blige, The Roots
y otronan.

Den e articulo a elabora cu e gran
mayoria di luznan cu a wordo
uza ta fabrica p’e compania
Chauvet Professional. Chauvet
y su ehecutivonan mes tambe
tabata na Aruba p’asina entrega
un lote di luz ultimo modelo.

A haci uzo di diferente modelo
di luz durante e show aki p’asina
por crea diferente look durante e
concierto. Esaki ta haci cu con-
stantemente tin un variacion den
e iluminacion y efectonan cu e
publico ta mira rib’e escenario.
E show y instalacion di luz a
wordo diseña p’e hoben Erik
van Oorsouw di Elite Pro-
ductions & Entertainment.

E revista tanto online como
imprimi LiveDesign ta conta cu
miles di abonado rond mundo cu
ta sigi tur trend den e mundo di
produccion.
Pa Aruba su nomber sali ta algo
sumamente positivo.
Naturalmente cu ta haci men-
cion di Elite Productions & En-
tertainment tambe ta un logro
bunita p’e compania local cu ta
brindando servicio audio/visual
p’e ultimo 10 añanan na Aruba
y Caribe.