Page 11 - AWEMAINTA
P. 11
Diamars, 6 Februari 2018 AWEMainta 11
A topa cu turista herida pero DIADOMINGO mainta polis y ambulans
e mes no sa kiko a pas’e a bay poco p’abou di lusnan di trafico, unda
antes tabata Rio Grande.
Den sercania nan a topa un turista canando
cu herida ariba su wowo.
E turista a haya un kap y esaki tabata sangra.
Polisnan a papia cun’e y a resulta cu e lo ta
hospedando den un hotel na Playa. E mo-
mento ey e no por a bisa polis kiko a pase.
Personal di ambulans a atende cu e turista,
como cu e herida tabata sangra y mester a
bay hospital cun’e pa cos’e.
Hoben burachi ta subi rotonde Seroe
Blanco causando hopi destruccion
DIADOMINGO marduga polis ta topa
cu palo di lus benta abou, na rotonde di Se-
roe Blanco. Mas leu un auto kibra.
A pidi ambulans mes ora p’e chauffeur, cu e
momento eynan tabata mustra herida.
Loke por a saca afo ta cu e chauffeur un ho-
ben a subi e rotonde ranca un palo di lus, pa
despues sigui bay dal un vangrail y cura di
cas, pa na final bay pega contra un mata.
Despues cu personal di ambulans a controla
e hoben y a constata cu e ta ok, el a wordo
deteni.
Despues di Lighting Parade, e hoben tabata
stuur auto bou di influencia.
Dios a spaar hendenan canando direccion
nan cas, si nan a pasa dilanti e mucha aki.
