Page 12 - bon-dia-aruba-20231003

A12 HENDE
Diamars 3 OctOber 2023

Do It Center a celebra apertura di departamentonan di ‘Houseware’ y

‘Health and Beauty Boutique’

E apertura di e departamentonan
aki a tuma luga riba diabierna ano-
chi unda e gerente di Do It Center,
Sr. Frans Ponson, a splica cu esaki
ta marca un momento sumamente
grandi pa e compania como tambe
pa e clientenan di Do It Center. E
beneficionan ta sumamente atrac-
tivo y esaki lo trece un alivio pa e
comunidad Arubano.

El a sigui splica cu un aliansa entre un
grupo grandi cu un isla chikito ta algo
sumamente special pa motibo cu Aruba
ta marca e prome pais cu cual Grupo
Exito a forma un aliansa strategico
pafo di Colombia. Alabes a informa
cu tin varios cambio binidero, manera
proyectonan cu a cuminsa chikito te
bira grandi conhuntamente cu Exito.
Sr. Frans a enfatisa tambe cu e meta di
e aliansa aki no ta solamente e comodi-
dad di por haya tur cos bao un solo dak,
sino tambe ofrece prijsnan cu ta hopi
mas accesibel bao un solo dak. Cu e
meta aki den mente, nan lo sigui traha
duro pa brinda Aruba e miho calidad
cu e miho prijs.

Directora di Aliansa Strategico di gru-
po Exito Veronica Garcia a expresa cu
Aruba por spera e miho marcanan, pro-
ductonan di gran calidad y miho prijs-
nan. Nan ta sinti hopi orguyoso cu e
aliansa aki, pa motibo cu e ta provee e
oportunidad di por provee Aruba cu e
marcanan conoci na Colombia, cu tur
e confiansa cu e marcanan aki lo ser
reconoci pa e personanan cu ta bishita
Colombia. Garcia a agrega cu tambe lo
tin un variedad di producto, entre pro-
ductonan di beyesa, comestibel, paña y
articulonan pa cas.

E prome container a yega caba alred-
edor di 3 siman pasa y ya caba a bende
por lo menos 20 porciento di esaki. E
directora a expresa felicidad cu e acogi-
da ta uno asina positivo, mirando cu e
clientenan di Do It Center por a recon-
oce nan marcanan.

Durante e apertura aki Garcia a ex-
presa gradicimento na e famia di Do It
Center pa a cera e aliansa aki y cu nan
ta contento di por tin Aruba como e
prome pais na cual lo exporta nan pro-
ductonan. Sr. Frans tambe a expresa
bunita palabranan, contando cu Grupo
Exito a cay di bendicion pa nan y alabes
a informa cu ya caba tin plan di habri
un Exito WOW. Ya caba e proposicion
ta na Gobierno pa por habri esaki pa-
riba di brug.

Exito WOW lo ta un mescla di Do It y
Grupo Exito unda e comunidad lo por
haya e mesun bon prijsnan y un variac-
ion di mercancia bao un solo dak pariba
di brug.

Pasa bishita Do It Center y disfruta di
tur e productonan cu Do It y Grupo
Exito ta ofrece y keda pendiente pa e
desaroyonan nobo!