Page 16 - AM240622

16 DEPORTE AWEMainta
Ryan Garcia suspendi pa un aña
despues di a test positivo pa PED
E strea di boxeo Ryan Garcia a keda suspendi pa un aña
despues di a test positivo p’e substancia uza pa mehora
rendimento ‘ostarine’. E Comision Atletico di Estado di New
York a anuncia e suspension, cu ta retroactivo n’e victoria di
Garcia riba 20 di april riba Devin Haney. E victoria aki a keda
anula na un ‘no-contest’.
Garcia, di 25 aña, tambe a perde su compensacion finan-
ciero (purse) di $1.2 miyon y a ricibi un multa di $10.000.
A pesar di su ganashi general mas grandi, e compensacion
oficial ta loke e lo perde. E suspension lo termina riba 20 di
april 2025, si García pasa testnan di droga limpi den futuro.
Devin Haney, kende a enfrenta Garcia den e pelea disputa, a
expresa alivio p’e fayo. “E hecho t’e hecho, y e no tabata riba
mesun condicion”, Haney a bisa ESPN. “Mi ta contento cu mi
por a ricibi husticia. E experiencia aki lo haci mi mas fuerte.”
Abogado di Haney, Pat English, a reconoce e severidad di
e castigo di Garcia y a señala cu e no tabatin precedente.
Haney, kende nunca a wordo ‘knocked down’ den su 31
pelea profesional anterior, a wordo ‘knocked down’ varios
biaha pa Garcia, kende despues a descubri cu el a obtene
un ventaha inhusto.
E Comision Atletico di Estado di New York a enfatisa su
compromiso pa mantene e integridad di e deporte. “E
Diasabra, 22 Juni 2024
comision lo sigui exigi di e atleta e standard profesional mas
halto”, nan a bisa.
E ekipo di Garcia ta mantene su inocencia, afirmando cu
nunca intencionalmente el a tuma un substancia prohibi.
“Ryan, cu su team legal, a resolve e problema aki y ta
mantene firmemente su berdad: nunca intencionalmente el
a tuma ningun substancia prohibi”, Team Garcia a declara.
E suspension di García ta agrega n’e retrospectonan di su
carera, incluyendo un dispidimento di 15 luna pa motibo di
problema di salud mental y cirugia di man. Su ultimo victoria
oficial tabata na december contra Oscar Duarte, despues di
e unico derota di su carera contra Gervonta Davis na april
2023.
Ostarine, pa cual Garcia a test positivo, ta prohibi p’e
Agencia Mundial Anti-Dopahe y ta conoci pa promove crece-
mento muscular, perdida di vet, resistencia y recuperacion.
Boxeadonan anterior manera Lucian Bute y Amir Khan tambe
a enfrenta sancion pa uza e substancia.
A pesar di e controversia, e ekipo di Garcia ta keda optimista,
keriendo cu fanaticonan lo corda su accion contra Haney
como un masterclass, hasta ora su suspension ta sirbi como
un recuerdo di e reglanan anti-doping estricto den deporte.