Page 3 - AB
P. 3
22 COMUNIDAD AWEMainta Diaranson, 30 October 2024
Den nan esfuerso pa conserva e Shoco
Aruba Bank ta sostene cu orguyo Aruba Birdlife Conservation
ARUBA Bank ta anuncia su participacion den e proyecto di conservacion di shoco di Aruba Birdlife Conservation, un
iniciativa vital pa proteha y preserva e shoco (Athene cunic-
ularia arubensis), e simbolo nacional di Aruba.
patrocinio aki ta refleha nos compromiso continuo cu
sostenibilidad di medio ambiente.
E poblacion di Shoco, cu por lo menos tin un estimacion di
200 pareha, ta enfrenta un menasa grandi, principalmente
debi di e perdida di nan habitat y destruccion di nan neishi.
For di aña 2019, Aruba Birdlife Conservation ta trahando
activamente pa mitiga e reto aki, instalando buraco artificial
pa dun’e shoco un luga sigur pa su neishi.
E esfuerso nan aki ya ta dunando resultadonan y cu sosten
continuo, nan ta spera di por logra instala 500 habitat pa
nos shoconan den e aña binidero.
Aruba Bank ta duna sosten p’e proyecto di conservacion tan
importante aki, cu lo contribui directamente na proteccion
di e futuro di e poblacion vulnerabel di Shoco na Aruba.
Como e banco pionero den e comunidad di Aruba, nan ta kere
den sostene iniciativa cu ta garantisa un futuro sostenibel
pa nos herencia natural.
Pa mas informacion tocante e proyecto di conservacion di
Shoco, of pa haya sa mas con por forma parti di e proyecto,
bishita Aruba Birdlife Conservation riba Facebook: https://
www.facebook.com/arubabirdlifeconservation
