Page 27 - KPA

18 AWEMainta Dialuna, 30 October 2017

Dama canando riba caminda publico laat

den anochi tabata mustra desorienta

DIASABRA anochi polis a haya infor-
macion cu na altura di Paraguana tabatin
un dama hoben canando y buscando
ayudo.
Patruya di Noord a logra hay’e un poco
mas p’ariba di Paraguana, esta na Soledad.
E dama lo tabata un poco bou influencia
y mustrando un poco desorienta.
Papiando cu e dama, el a puntra polis si
nan lo por bahe cerca algun conoci altura
di e veld na Tanki Leendert.
Polisnan a bay cun’e, pero esnan na e cas
no a desea p’e baha eynan.
E momento eynan e dama lo a bisa e polis-
nan cu e ta biba na Sero Pita.
Patruya hunto cu e dama, y mirando su
situacion, a opta pa hib’e su cas na Sero
Pita. Na yegada nan ta topa cu mayor di e
dama hoben, y e momento ey e mayornan
a splica e agentenan cu nan yiu ta pasanso
den algun momento dificil dor cu un famia
lo a fayece.

P’e motibo ey e lo a cuminsa uza cosnan
cu e no mester uza, y esaki ta pon’e haci
cosnan straño.
Agentenan cu a wak cu ta trata di un caso
serio, a avis’e pa tuma contacto cu slach-
tofferhulp.

Auto ta perde

control y ta

drenta un cas

na Rooi Bosal

UN Nissan March a perde
control y drenta cas na
Rooi Bosal. Algun persona
a resulta levemente herida
y un of mas cacho a muri.
Mas informacion nos no
a haya di e accidente aki.