Page 4 - HOSPITAAL

Abattoir Cu Orario Adapta Pa Temporada Druk Di
December – Ley Ta Prohibi Matamento Di Bestia Na
Cas!

 Local
- 13/11/2017

Veterinaire Dienst ta corda tur persona cu kier sacrifica un cabrito, carne of porco pa
consumo propio, cu mester haci esaki na Abattoir. Matamento di bestia na cas ta ilegal y
por tin riesgo pa salud di hende. Tur hende cu kier haci uzo di servicio di Abattoir pa
sacrifica un bestia durante luna di December 2017 por haci esaki entre Dialuna y
Diahuebs, parti mainta. Ta pidi encarecidamente pa trece e animalnan entre 7:00am y
9:00am. Ultimo dia pa mata bestia lo ta Diamars dia 19 di December 2017.
Alabes ta anuncia cu e proceso di sacrifica bestia na Abattoir ta tuma luga a base di
afspraak. Doño cu ta desea di sacrifica un of mas animal pa come mester yama un dia
prome pa confirma cu e kier haci uzo di e servicio di Abattoir. Esaki ta pa purba coordina
e trabou na un manera mas structura.
Pa mas informacion por tuma contacto cu Veterinaire Dienst na telefon 5224310 of pasa
personalmente na Veterinaire Dienst situa na Barcadera # 1.