Page 14 - KPA 18 DEC 2015

Homber a cay for di haltura trahando riba tankero

Publication: Friday, 18 December 2015. Categoria: Policial

ORANJESTAD (AAN): Diahuebs pasa di 1’or marduga den refineria Valero un homber
local trahando riba tankero a haya accidente durante ora di trabou y a cay for di un haltura di 12
pa 15 meter.
E homber tabata grave herida benta abou riba vloer na unda e tankeronan ta mara. Di biaha a
despacha ambulance y polis cu urgencia pa Valero, y na yegada di e paramedico di ambulance a
haya un homber cu su cabes tur na sanger debi na e sla fuerte di e caida.
E homber tabatin un trauma na su cabezy a atende e homber cu cautela y cu urgencia a
transport’e pa hospital caminda dokternan a traha cu e persona di biaha debi cu su cara tabata
desforma.
Den Valero na e sitio di accidente autoridadnan a constata cu e homber tabata riba un trapi
hydrolic y e waya lo a kibra cu consecuencia cu presion e trapi a bin abou cu e homber a bula y
cay riba vloer, kibra brasa, kaak, pia, y hopi sla na cabez.
http://www.diario.aw/2015/12/homber-a-cay-for-di-haltura-trahando-riba-tankero/