Page 23 - KPA 18 DEC 2015

Djabièrnè 18 Desèmber 2015 47

DIA HABRI NA
FUNDASHON
DESAROYO MARIE

PAMPUN

WILLEMSTAD.-
Fundashon Desaroyo Marie
Pampun i bisindario kier
a invitá habitantenan di
Marie Pampun i bisindario
pa bin na un Dia Habrí di
e Fundashon. Kaminda
habitantenan por inskribí
nan mes pa asina keda
informá di tur lokual ta
tuma lugá den bario. Tambe
tin diferente organisashon
di bario ku tei pa duna
informashon tokante
nan organisashon. Tin
oportunidat pa inskribí bo
mes komo boluntario pa
asina yuda ku aktividatnan
den bario. Tur esaki ta tuma
lugá dia 18 desèmber di 4’or
pa 8‘or na Balaoestraat 23
(ántes Bokshal). Lo bai
tin animashon musikal
na enkargo di grupo di
Aguinaldo Dushi Ambiente,
kos di kome i di bebe. Un i
tur ta keda invitá na e Dia
Habrí aki i asina aportá na
bo bario.

Kontinuashon di pag. 18
TRAFIKANTENAN

di 48 luna pa kada un di
e akusadonan.

Tabata 18 di ougùstùs
djamars parti mainta ku
Warda Kosta huntu ku un
Tim di Aresto a bai Klein
Kòrsou, despues ku nan a
haña notifikashon for di
nan koleganan di servisio
di inteligensia CID, ku
na e isla chikí di Kòrsou
lo tin un transakshon di
droga tumando lugá. E dos
entidatnan uniformá i bon
armá a sali pa Klein Kòrsou
i a bin topa ku tres persona
riba isla i huntu ku nan a
haña tambe 20 kilo di koka
den un saku i tambe kuater
arma di kandela di kua un di
nan ta arma hòrtá for di un
agente polisial.

Ounke ku tabata nan
tres so na Klein Kòrsou e dia
ei, e tres akusadonan a para
riba nan inosensia ku nan
no tin anda di aber ku e lote
di koka konfiská na Klein
Kòrsou.

Hues no a haña niun di
e puntonan trese dilanti di
parti di e akusadonan ku ta
bisa ku nan no tin nada di
aber ku e droga ni arma, ku
a konfiská riba.

E loke ku hues a hasi ta
kondená e trio pa 11.6 kilo
di koka i komo ku no por a
saka afó e meskla di koka
pretu, hues a kue esei riba
e kategoria di mas abou di
500 gram.