Page 33 - KPA FLIP 2 SEPT 2017

Despues di 5 luna cu a haci un inval riba cas di e famia kibrando nan paz y trankilidad, ta
detene e Minister y awor ta pidi verlenging di 2x 8 dia atrobe.

Esaki ta trece pregunta di kico e hendenan aki kier logra, kico mas nan kier saca di drs.
Croes y cuanto daño mas nan kier causa.

Preguntanan cu ta surgi ta dicon tin asina tanto presion riba e caso aki y kier haci tanto
espectaculo.

Segun fuentenan fidedigno a conta nos medio, cu ademas di cu informacionnan a ‘leak’
na otro abogado, prome cu e propio abogado di sr. Croes a haya algun documento y pa
colmo e abogado en cuestion, a haya ta bon pa bay duna su comentario y opinion den
prensa di e caso cu ta bou investigacion, contra e Minister, cu a trece masha duda den
henter e proceso un biaha mas cu por hasta papia di ‘contaminacion’ di e caso.

UN SOLO ABOGADO PA VARIOS CLIENTE
Locual ta algo hopi raro atrobe y cuestionable ta, cu tin un solo abogado cu tin mas cu un
cliente o sea varios den e mesun caso aki ta tratando.

Observadornan ta bisa cu nan ta haya cu OM aki atrobe ta haci manera nan ‘nanishi ta
sangra’, y no ta actua etico ni conforme regla y ley y ta haciendo abuso di nan poder na
un forma inhusto contra Paul.

E VERLENGING DI 2X8 DIA
E proceso segun nos strafvordering ta bay asina cu ta pidi Huez Comisario pa verlenging
cu 16 dia, cu tin di haber cu segun Fiscal, ainda nan mester sigi investiga y a impone
beperking pues cu no tin contacto cu su famia at all.

E peticion pa extencion of verlenging tin di haber tambe cu tin miedo p’e sospechoso
scapa. Verlenging no tin nada di haci cu ningun decision di Corte di Husticia pues un
Huez mes.

Corda no tin un caso mes cu ningun desicion di Huez. Esaki t’e proceso na unda
Ministerio Publico ta haci uso di loke ley ta permiti nan y ta probechá.