Page 58 - MIN VOS 1 MAART 2016

Trahadonan no ta acepta cu nan y habitantenan di
hala di San Pedro Paviljoen lo wordo reubica

on: February 29, 2016In: LocalNo Comments
Print Email

Tin un situacion andando den San Pedro Paviljoen, caminda cu a keda dicidi te asina leu cu trahado
y habitantenan di e hala di San Pedro Pavljoen cu yama Reseda, lo wordo reubica na e diferente
casnan cu ta wordo manera pa SABA.

Segun Gina Maduro, presidente di AVB, for di siman pasa diamars, trahadonan a wordo notifica
door di e situacion di e departamento, e situacion no ta mucho agradabel. E afdeling mes ta di basta
aña unda cu renobacion tin cu tuma luga. Diamars e trahadonan a haya notificacion cu SABA tin cu
cera e departamento.

Diaranson merdia, sindicato ABV tabata tin un encuentro cu e bestuur di SABA y na unda cu e
director, sr. Remo Kock tambe a notifica sindicato cu lo tin cu bay haci esaki y eynan ABV a haci su
preguntanan. Despues ABV a wordo bisa cu no tin otro opcion pasobra e departamento no ta den
un situacion adecuado, nan tin problema cu e vacaturanan. Tin 37 vacatura cu tin cu wordo yena, y
nan kier bin cirulacion. Ta berdad cu e departamento no ta den un bon estado, pero no ta den un
estado cu no ta bay cay den 24 ora. E luga tin mas cu 20 aña asina y ta hopi tempo caba e mester a
wordo renoba.

E forma con e bestuur ta trata e caso aki, eynan ABV tin problema cune. No a notifica sindicato,
pone na altura kico ta pasando. No tin comunicacion. Ta solamente tin mededeling. No ta scucha
opinion di trahadonan tampoco, dus el a wordo tuma y esey ta beleid di nan. Nan a dicidi esey y nan
lo tin cu plama e trahadonan di diferente localidad, unda cu nan falta vacatura. Nan mes ta
contradeci nan mes, pasobra los di e afdeling reseda, tin 37 vacatura caba. Con ta bay tapa cierto
buraconan. Unda cu tapa, lo bay keda habri. Como director di SABA mester a zorg pa tapa e 37
vacaturanan caba.

Tin hopi problema ta going on den SABA y tin un mal contento enorme, con e forma cun abuso
laboral ta tumando luga. E sistema dictatorial con nan ta trata e trahadonan. En bes como bon
dunado di trabao, mester zorg prome pa e trahado. Tin lista di trahadonan cu ta wardando na
promocion, ahustacion di salario. Por imagina mayoria di e trahadonan cu a haci curso, a subi di
nivel 2 pa 3, pero te dia di awe nan si tin cu eherce trabao di nivel 3, nan tin cu entrega trabao di
nivel 3, pero ainda ta wordo paga pa nivel 2. Esey ta un frustracion grandi pa un trahado cu for di
2002 ta pending pa un bevordering, ta pending di rechtrekking di nan schalering y di nan posicion.
Esey ta e prioridad, segun Maduro.