Page 61 - MIN JUS

Minister Dowers no ta interesa pa intimida hende of pone un
bandera si nan no kier

Monday, 12 June 2017 21:34
Comparti

Awor aki nos ta durante campaña. Por a tuma nota cu e temporada cayente a cuminsa drenta y hasta
Minister Dowers ta wordo menciona den un di e situacionnan cu a presenta caminda cu un ex colega di
partido, a traha un video di un situacion cu a presenta.
Minister Dowers ta percura tambe pa orden publico. Tin e minister di asuntonan general tambe ta
responsabel pa esaki. Minister Arthur Dowers ta volg e cosnan aki, cu ta birando mas cayente. E ta mira
cu tin partido, entre otro di e ex colega, cu kier drenta Gobierno a costo di tur cos. E tabata traha den e
miho Gobierno den historia di e pais aki. E ta bisa cu e Gobierno no ta sigui y a sali. E persona aki tin
hopi desesperacion y no sa si ta bao di presion di un hende pa e drenta Gobierno. Un cos cu e minister a
bisa ta cu e desesperacion cu e tin ta haci cosnan cu e ta haciando. Minister Dowers a mira dos grabacion
riba un sticker cu a kita di un auto, bisando cu a intimida e persona, siendo cu a mira e persona ta hari
ora di kita sticker. Despues e ta bin cu un persona, caminda e ta sumamente agita y rabia. Segun Dowers
ta proceso di intimidacion di un hende. Den caso cu el a acusa Dowers. Tin cu bisa cu e cas ey tabata tin
un bandera di AVP y ta e a bay baha e bandera. Esun cu a informa hendenan para eynan, di cual e
minister a scucha, caminda cu a ofrece placa, y door di esey el a kit’e, pero den su curason e no ta cu nan.
Ora cu el a pone e bandera di AVP bek, e persona aki a bin traha un scenario caminda cu e señora mester
a lesa e scenario aki, pa duna e impresion cu Dowers a intimid’e. Dowers no ta intimida ningun hende. E
no ta interesa pa intimida hende of pone un bandera si nan no kier. Tin hopi pedido pa bandera y no tin
suficiente bandera pa pega na cas di hende. No tin necesidad pa bay na un cas di hende cu no kier
bandera poni. A pidi e muchanan canando riba caya pa cambia su bandera p’e, y nan a haci’e. Despues
Oduber a bin ta intimida e señora y tin cu agrega cu segun Minister, diep den su curason e señora no
tabata sinti esey, pero bao di presion di Oduber, el a haci’e.
Lo bay tin mas di e scenarionan aki.

Practicamente cu nan a baha tur bandera di Oduber den Dakota y sigur cu lo bay mas tambe. E forma cu
e ta bay, sea priminti cos of intimida nan, na final toch e hendenan lo dicidi cu nan no kier tin nada di
haber cun’e. Ta lag’e pa e consenshi di Oduber. Minister Dowers no mester hende pa traha video, e no
mester bay pone ningun hende den beeld.

E cos ey ta inetico y Dowers conoce Oduber, kende a desaroya su mes mas y mas como un persona cu ta
carece di etica y cu a demostra esaki tambe.

Pega bandera

Segun Minister Dowers, hustamente loke a sosode y tin mas hende a tende, cu e dama aki a yama na cas
di bandera, y a pidi pa ta dispuesto of ta paga algo pe, cual no ta paga nada pa ningun hende. E ora ey,
ora cu Oduber a bin cu si a ofrece pa paga, a tuma nota di loke e dama a conta y tin mas hende cu a conta
esaki. Dowers a splica cu e y mas hende por a scucha ora cu e dama a conta cu nan kier page 400 florin.