Page 23 - AWEMAINTA
P. 23
Diamars, 26 November 2019 AWEMainta 23
Gamma IT Solutions y Futura cu
Coding Workshop pa hobenan
DIASABRA, 23 november, a tuma luga
na Gamma IT Solutions un coding work-
shop pa hobenan entre 13 cu 18 aña. E ho-
benan a disfruta di un mainta unda nan por
a reta nan mes cu diferente ehercicio, entre
otro e ‘marshmallow challenge’, unda nan
mester a usa nan creatividad pa traha un
structura cu material limita.
E parti di coding a wordo duna door di Rain-
ier Gaari y Clifford Croes cu ta Software
Developers di Gamma IT Solutions. Rainier
Gaari a siña e hobenan e lenguahe di Java
y Clifford Croes a duna e parti di e lengua-
he C#. Ademas, e hobenan a ricibi informa-
cion tocante con IT ta wordo usa den media
y den e parti di diseño, cual a wordo duna
door di Desmond Nicholson, IT Manager di
Gamma IT Solutions.
Gamma ta sumamente contento di por a
partner up cu Futura pa un otro coding
workshop exitoso y ta gradici Futura pa
promove innovacion y tecnologia den e co-
munidad di Aruba.
E siguiente coding workshops lo cuminsa
bek na aña 2020 y lo wordo anuncia via e
pagina di Facebook di Gamma IT Solutions.
