Page 24 - MIN ON_Neat

International School Leadership (ISL) ta un programa specificamente pa lidernan den enseñansa. Tin
diferente lider y e grupo cu tabata presente na e congreso ta lidernan den tur tipo di nivel den enseñansa,
tur hende cu ta asumi un responsabilidad den enseñansa.

Director di Departamento di Enseñansa, Annemarie Proveyer tambe tabata presente na e congreso.
Antes semper tabata haci trabou riba cualkier innovacion pa enseñansa, pero loke cu a sosode ta cu un
grupo tabata cuminsa un caminda mientras cu un otro tabata cuminsa otro caminda y nan no tabata
papia cu otro. Esaki tabata pa motibo cu nan no tabata traha riba e mesun cosnan. Loke cu tabata pasa ta
cu iniciativa tabata cuminsa y tabata muri. “Den e caso aki Minister di Enseñansa a percura pa tur hende
den 2 aña largo ta pasa den e mesun proceso”, Annemarie Proveyer a remarca. Tur ta siña e mesun
conceptonan, tin e mesun frame work y esey ta un buki cu tur hende a haya. E frame work aki ta manera
un diccionario cu nan tur por uza, pero tambe un instrumento cu nan por reflexiona riba nan
responsabilidad, pakico nan mester tin nan rol, kico nan por haci pa mehora nan propio trabou, pero
tambe den scol, den sistema di enseñansa en general.

“Esey ta e cos bunita y e ta sali for di un vision di nos minister. El a saca su maneho cu ta trece padilanti
tambe un vision di cu nos mes, cada un di nos tin e habilidad y responsabilidad pa asumi e trabounan
den un forma cu ta constructivo”, Annemarie Proveyer a remarca. Esaki ta pa yega na mehoracion di
enseñansa en general.

Comentarionan (0)

abesantenan Angela Romero y Sharissa Tsu ISL a siña nos

con pa bin cu cambionan den enseñansa

Monday, 12 June 2017 10:22
Comparti