Page 30 - MIN ON_Neat

SKOA: E problema na Pius X no

ta di awo

12 June, 2017
0

Pa SKOA, e problema aki no ta di awo. Ya pa basta tempo caba a manda carta y
rapport pa Gobierno pero te cu awe nada no a pasa. Directora di SKOA, Josette

Daal, a splica cu e problema aki a wordo señala algun luna pasa caba. SKOA a
haci afspraak, hunto cu e cabesante y a follow up riba esaki. Mirando e material

cu no a resulta di ta adecua pa scol, vooral no un scol cu ta para riba biento, tin
e consecuencia awor aki cu bentana no ta habri, cierto porta no ta habri. E
bentananan cu ta cay pa banda di biento, nan a kibra. E ta hopi fastioso y awor

aki ta e temporada calor. E hendenan tin hopi calor dimes.
A puntra pa airco. Siman pasa tabata tin 41 grado den un klas. Awor aki a corto

plaso, mester bin un solucion. Falta tres siman pa scol caba. Mester haci algo,
segun Daal.

Awor aki ta di compronde cu e docentenan no ta drenta klas, pasobra nan no ta
wanta e calor. Pius X ta un scol cu a tuma accion. Pero tin mas scol. Tin St.

Aloysius cu ta den mesun situacion. Nan no a tuma accion, pero nan ta den e
mesun situacion. Por ehempel mester di un solucion awor aki, pasobra ta
papiando di yiu di hende. No solamente maestro, sino yiu di hende cu ta sinta

den un klas cu aki rato ta temperatura di casi un forno.
SKOA lo bolbe reacciona riba esaki. DOW a bin algun luna pasa caba pa bin

wak, pero no tabata tin un follow up despues. Awor aki SKOA en berdad lo
manda un carta pa minister y mustr’e riba e preocupacion aki y wak con pa

yega na un solucion a corto plaso.