Page 56 - MIN ON_Neat

Lider di AVP Mike Eman a campaña den tres bario riba un
dia canando algun kilometer

Sunday, 11 June 2017 20:49
Comparti

No tin politico cu por wordo compara cu lider di AVP Mike Eman den ningun sentido. No solamente e ta
un persona noble y humilde, pero tambe ta traha den forma incansabel, tanto pa e pueblo como pa su
partido.

Diasabra mainta como mandatario el a atende algun ciudadano y den oranan di merdia. Un rato despues
el a cambia su bachi pa bisti camisa di lider di partido y hunto cu algun di colega di partido a sigui cu otro
fin di siman di campaña, canando mas o menos 2.5 km for di prome cu rotonde di Ponton te na Stadion
Frans Figaroa na Noord. Compaña cu musica for di diferente vehiculo cu a forma un caravana di apoyo
pa e lider di AVP, Eman a bishita diferente cas riba e ruta di Ponton, Tanki Flip y Boegoeroei unda cu el a
entrega e habitantenan un corant cu ta ilustra e trabou cu su Gobierno a haci den e ultimo 4 añanan y a
combersa riba kico kier logra den un siguiente gobernacion cu sosten di e habitantenan. Por bisa cu tanto
simpatisante como esnan cu ta simpatisa otro partido a atende e lider di partido berde durante su
caminata cu a pasa den tres bario riba e caminda grandi direccion pa Noord.

Team Mike Eman a keda hopi contento cu e reaccion pasobra banda di caminda e autonan cu tabata pasa
tambe tabata pidi pa pone sticker riba nan vehiculo. E anochi a finalisa cu un bishita na Centro di Bario
Noord unda colonia Filipino tabata celebra su di 119 aniversario di Independencia. Lider di Partido a
gradici e colonia Filipino pa nan contribucion na economia di Aruba, trahando specialmente den sector
di turismo unda cu nan caracter similar na esun di e Arubiano ta resalta.