Page 52 - MIN TTC 12 SEPT 2015

DIASABRA 12 SEPTEMBER 2015 DIARIO
Nos tin cu soporta consecuencianan negativo
pasobra e “SABIRnan” no kier mira esaki
El a cuminza! Loke mi tabata teme pa basta siman y tabata papia di dje,
a cuminza tuma lugar. No ta solamente hendenan decente ta trata di emi-
gra di “Pazuid” aya pa nos isla. Entre nan tin tambe esnan di baho mundo
y di crimen organiza , pero cu no a wordo proba ainda aki.
Aparte di esakinan tin esnan cu no tin manera di biba bon mas riba nos
isla, considerando e dianan of simannan cu nan tin aki caba y sin placa
den cartera.
Ayera por a lesa di e atraco brutal na Paradera di 3 homber cu ta papia
spaño cu accento venezolano. Cu arma di candela den man nan a pidi y
exigi placa. Nan a logra scapa di polis y no a keda deteni.
No por bisa cu nan ta venezolano solamente pa locual a menciona di ac-
cento.
Esaki sinembargo no ta kita afo cu lo por spera accionnan asina mas tanto
ainda si e fluho di Venezuela pa Aruba sigui y aumenta.
ECONOMIA DI “PAZUID” NA SUELA
Como mucha, di riba cero di Lago Heights, na e trapi, mi tabata sinta
wak pazuid y mira cero Santa Anna. “Mi por a mira Venezuela!” Esey
tabata grandi pa mi e tempo ey.
Como mucha mi ta corda cu Marcos Perez Jimenez tabata president y
dictador y esaki te dia 23 di januari 1958. E fecha aki mi no ta lubida pa-
sobra ta mi fecha di nacemento y mi a cumpli e dia ey 15 aña y mi ta corda
e bario “23 de Enero” na Caracas.
Mi ta corda con Contraalmirante Wolfgang Larrazabal a tuma goberna-
cion over ora a tumba Perez Jimenez y un aña despues Romulo Betan-
court a bira president. Nos a pasa den periodo di 11 president eligi for
di periodo di Betancourt. Den e periodo ey tabata tin tambe Pedro Car-
mona pa 2 dia den un golpi di estado contra Hugo Chavez y Diosdado
Cabello na 2002 pa dos dia den periodo tambe di Hugo Chavez.
Riba e trapinan di Lago Heights mi a mira lama keto y trankil y cu e tempo
masha cla mes, e ceronan di Venezuela. Tras di e ceronan ey tabata e
bida industrial y economico di prosperidad di Venezuela di Simon Boli-
var. Mi a mira e presidentnan cu mester a goberna cu sabiduria necesario
pa den tur e añanan tene e pueblo controla y purba tene nan den nan
fronteranan.
Cu e ultimo president , esun cu tey ainda, e esfuerzo aki parcialmente of
completamente a fracasa.
Cu trabao contra y cu partnernan economico y comercial; of esnan cu a
participa den poder; a mina poder y autoridad di gobierno di Venezuela di
e forma, ey cu awe henter economia di Venezuela ta plat abao.
Cua gobierno cu tin , sin e apoyo di e pilarnan ey ta condena pa e sinta
e so eynan y sangra te muri. E situacion ta enormemente fuerte y ya a
cuminza sali for di man.
Cu nacionalizacion di companianan cu un vision futuristico riba un compa-
rabel estado socialista manera Cuba di Fidel Castro, president Maduro
lo a percura pa cada ciudadano di su pais lo tabata tin mes tanto propie-
dad..
Poblacion di Venezuela cu durante hopi decada a custumbra cu e sistema
capitalista occidental lo no a acepta e estado socialista aki facilmente y pa
e motibo ey, hopi habitante, hopi capitalista y un gran parti di clase halto y papia mester papia cu hendenan cu ta traha den casinonnan y otronan
clase medio awe ta haci esfuerzo pa huy bay.
BUSCA MIHOR BIDA OTRO CAMINDA
Un gran cantidad di esnan mas abao a bay busca nan porvenir, mihor bida
of refugio den otro paisnan bisiña. Aruba, Bonaire y Corsou tambe ta
inclui.
Cu yudanza di cantidad di lancha y go fast nan ta tribi haci e cruzada pe-
ligroso cu ta costa nan 500 a 2000 dollar pa persona. Via Por la mar, Vela
de coro, La Guaira, Cucuta, Pampatar na Isla Margarita y otro areanan
di costa, nan ta haci e cruzada peligroso aki.
E cruzada lamentablemente tin casonan di final mortal. Hopi a paga sin
nunca a yega.. Si tende esnan cu lo por sa papia, ta sea lama a guli hopi
y tambe capitan y doñonan di lancha ta haci nan palabracionnan corupto
den secreto , acordando cu pa motibo di problema cu motor e cruzada no
PAGINA 27
por tuma lugar riba lama grandi.
Segun ta wordo comenta, ora un par di refugiado di boto protesta, ta tira
nan mata sin pensa dos biaha y benta nan resto na lama. E otro refugia-
donan obligatoriamente mester bula na awa den scuridad anto landa 100
meter of mas pa trata na yega costa..
Pa motibo di cansancio y olanan halto, algun nunca a yega costa.
E tasnan di lomba , e rugtasnan, cu ta drief riba ola ora solo sali, ta e
testigonan silencioso di tragedia cu a tuma lugar riba lama.
Na caminda pa e islanan aki , ademas ta haya problema cu boto. Ta cu
paña, spons, bleki y boter tin cu saca awa.
BISTA RIBA EUROPA AWE
Na Europa na e momentonan aki tin un problema inmenso, e problema
importantisimo di poblacionnan y ademas masha grupo di hende educa
tambe, sin frontera.
Un cantidad di pueblo ta emigra na decenas di mil pareu, y sali spanta
pa busca nan porvenir y suerte na Europa, for di Medio Oriente y paisnan
cercano manera Siria, tambe for di Noord Africa, paisnan persigui pa un
ISIS cu su ehercito islamico, cu su ideologia islamico.
Esaki ta causa circunstancia masha dificil, na Italia, Alemania, Francia y
otro estadonan europeo.. E estadonan aki via corte europeo kier elimina
e ley di Schengen cu ta e acuerdo cu ta haci posibel pa hendenan, cu tur
libertad y emigrantenan por cruza frontera di Europa y biaha bay tur ca-
minda. Esaki a bira sumpinya den wowo di Parlamento Europeo.
CAMBIONAN NA ARUBA CABA
Aki ta wordo bisa cu gobierno a pone diferente instancia na altura di e
situacion na Venezuela.
Tambe ta tende cu no tin cu preocupa of cu cos no ta di e malo ey. Esaki
sin cu ta menciona e cobramento di placa di entrada for di den avion y
cu no tin control; chinesnan cu na bali ta busca nan “clientenan” pa
“pin” na supermercado y pa nan apartamentonan; di transporte pirata
cu ta conoci y cu no ta mira movecion. Esaki di busnan cu ta sconde pafo
di tereno di aeropuerto warda riba nan bishitantenan cu ta cruza tereno
di parkeo, drenta bus. Transportacion pa apartamentonan y despues di
apartamentonan pa aeropuerto via e mes ruta “di pizza” manera un di
nan ta wordo jama. Di tur esakinan tin videonan y potretnan saca pero
ta esnan encarga, autoridad y e instancianan so ta manera e macaco:
“Mi no a tende, mi no a mira y mi por bisa nada!”
Parce cu no sa tampoco di ta cambia lugar di estadia cu ta confirma y
manda nan pa “perla dorado”.
Pero cos lo bira serio y hopi mas, si aki no tuma medida serio, pasobra
nos como isla y comunidad lo haya nos ta soporta e consecuenci-
anan negativo cu a cuminza caba.
Prostitucion descontrola a aumenta di tal forma cu cantidad di homber
local a resulta di ta completamente desorienta . E muhernan ta bebe
masha hopi, mas cu un dama local promedio.
No a menciona aki tampoco esnan cu ta bishitando nos hotelnan y casi-
nonan anochi y pega riba turistanan y e localnan “macho”. Pa esaki ta
emplea na hotelnan, pa sa ki bagamunderia ta pasando den e mundo
turistico caba cu e “turistanan” nobo cu aparentemente “a bin Aruba
pa keda!”.
Masha hopi homber ta mira bom di boter masha lihe y tambe e bom di
nan cartera. Nan no ta compronde e ley di logica masha bon, y tur esaki
pa no papia mes di crimen organiza cu e situacionnan aki ta trece cune y
cu nos a sinti e prome gota caba e siman aki cu e atraco menciona ariba.
Ora cu finalmente cos sali for di man nos lo bay tende sigur: “Nos no a
spera cu e situacion lo a desaroya di e manera aki y awor (despues
cu e baca hoga) nos lo mira con pa soluciona e asunto aki.”
Y manera ta tradicion gubernamental: “E solucion nunca ta yega.”
Juby Naar