Page 16 - AM210701

16 AWEMainta Diahuebs, 1 Juli 2021

Kid’s Corner y Biblioteca/studieruimte di

Fundacion contra Violencia Relacional a bira

realidad cu ayudo di studiantenan di IPA

FUNDACION Contra Violencia Relacional a habri
su Kid’s Corner y Biblioteca/Studiekamer oficialmente

p’e yiunan di e clientenan residencial. Esaki tabata

den colaboracion cu varios instancia cu a traha hunto
pa realisa e projectonan aki cu un budget limita.

Recientemente drs. Emy Maduro a acerca e fundacion
pa un stage pa studiantenan di IPA, unda coordinado-

ra di FCVR, sra. Magaly Maduro, a acepta mesora ya

cu tabatin un plan pa traha un huki sikiera den cual e
muchanan cu yega n’e shelter por hunga y distrai nan

mesun rato durante nan estadia.

Mientras e studiantenan di IPA tabata trahando nan

plan di accion y buscando materialnan na bon prijs,
nan a haya ayudo cu a haci nan trabou bira mas mo-

tiva.

E tata di un di e studiantenan di IPA, sr. Alwin Boek-
houdt di Quick Electrical Services, a traha e casita di

hunga p’asina corta e gastonan.

FCVR a ricibi hopi buki y co’i hunga for di Hulanda
como donacion for di sra. Mariette van Vught.

E materialnan a wordo transporta pa FCVR cu ayudo

di Vladimir di Caribe Intertrans cu a facilita esaki sin

extra gastonan for di Hulanda.
Quota International of Aruba a colabora cu e financia-

miento di e Kid’s Corner y semper ta haci donacion na
FCVR di e popular beernan di Quota.

4 Studiante di tercer aña di IPA a traha riba e dos
projectonan social aki. E Kids Corner tabata na en-

cargo di Maryline Boekhoudt y Maryleine Gomez. Y

e Biblioteca tabata bou di encargo di Jowen Maduro
y Rachela Dirksz. Nan begeleider tabata sr. Maximo

Wernet di IPA cu a duna nan evaluacion na final di

nan presentacion.

Presente n’e ocasion aki tabata: Representantenan di
Directiva di FCVR, representantenan di Quota Inter-

national of Aruba, y leidstersnan, funcionarionan y co-

ordinadora di FCVR.