Page 5 - awem sept 24
P. 5
AWEMainta Diahuebs, 24 September 2015 5
Minister Michelle Hooyboer-Winklaar:
Cura ta aporta na mas seguridad
na Colegio Felipe B. Tromp
FDA a aporta na casi 600 mil florin pa construi cura
“Nos tin basta aña wardando p’e momento aki
yega. Felipe B. Tromp ta un scol cu hopi pasen-
shi debi cu, aunke cu e scol ta haci su best den
ofrece un enseñansa di calidad, tog dor di falta
di un cura a causa hopi vandalismo na e scol”,
asina Minister Michelle Hooyboer-Winklaar a duna di
conoce.
E tabata personalmente n’e scol diamars mainta pa pone
su mes na altura di e trabounan andando.
Ministerio di Enseñansa ta consciente di e necesidad pa
tin un bon cura sera rond di scol. E falta di un cura apro-
pia ta crea un sentido di falta di seguridad no solamente
pa alumno y docentenan, pero hasta p’e bario pasobra e
ta atrae hendenan di menos bon intencion.
E trabounan a tarda bastante, segun e mandatario a ad-
miti, no pasobra e proyecto no ta riba e lista di prioridad,
pero pasobra e cura aki t’e cura di mas grandi pa un scol
basico, y ta alcansa casi 600 mil florin.
Y esey tin un proceso pa cana via Fondo Desaroyo Aruba
prome cu inicia e proyecto.
Ta spera cu pa luna di december proximo e trabounan
lo ta cla, locual lo mester traduci den mas seguridad p’e
scol, mas seguridad pa alumno y maestro, pero tambe
mas seguridad pa henter e bario.
Tin mas scol tambe pendiente pa por haya un cura rond
di e propiedad.
Minister Michelle Hooyboer-Winklaar a sigura cu ta
trahando riba cada un pa wak con por rek e florin mas
cu ta posibel.
“E ta forma parti di e plan den su totalidad, esta
e programa di veilige scholen, manera ta un bon
cura sera rond di scol y pa tin programanan den
scol pa promove un ambiente hopi mas sigur pa
tur cu ta frecuenta un scol”,
asina Minister Michelle Hooyboer-Winklaar a termina
bisando. 
