Page 13 - bon-dia-aruba-20240710

Spaña ta gana Francia 2-1 y
ta yega na final di Euro 2024
(AP)—Spaña a yega na e etapa final di e Campeona-
tonan Europeo cu un victoria 2-1 riba Francia ayera
y cu Lamine Yamal di 16 aña birando e hungador
mas jong cu a hinca gol den e torneo.
Francia tabatin un avance di trempan ora Randal Kolo
Muani a hinca un cabesaso for di Kylian Mbappé, ken a
hunga sin un mascara e biaha aki, prome cu e momento
briyante di Yamal den e di 21 minuut. Dani Olmo a hin-
ca loke a ser preubo como e gol ganador cuatro minuut
despues.
“Nos a pasa un tempo duro despues di no a anticipa pa
keda atrasa asina trempan caba. Mi a djis tuma e bala y mi
kier a hink’e. Mi ta hopi contento,” Yamal a bisa.
Spaña, cual ta persiguiendo un record di cuatro titulo di
Campeonatonan Europeo, lo hunga contra Inglatera of
Hulanda den e final diadomingo na Berlin. Hulanda y In-
glatera lo hunga diaranson na Dortmund.
A pesar di e avance di Francia, no por a stop e gol iguali-
sador briyante di Yamal den e di 21 minuut ora el a bira e
hungador mas jong pa hinca gol durante un Campeonato
Europeo masculino ora el a curva e bala pasa Mike Maig-
nan drenta net.
Y Spaña a cambia e wega completamente cuatro minuut
despues ora defensa Frances Jules Koundé a laga e tiro di
Olmo bira un gol. Originalmente el a ser husga pa UEFA
como un auto-gol di parti Koundé, pero despues toch a
duna Olmo su derecho na dje. “Si e ta mi gol of no, loke ta
importante ta cu nos tin un,” Olmo a bisa.
Francia a domina posesion den e segunda mita pero asina
mes no por a logra.
GOOOAAALLLL!
DAILY PROMOTIONS, FRIENDLY STAFF,
WHERE ARUBA GOES TO PLAY !
J. E. Irausquin Blvd # 47 | www.casinoalhambra.com
Equipo Hulandes ta enfrenta
problema cu biahe prome cu
wega semifinal contra Inglatera
(AP)—E preparacion di Hulanda pa su wega con-
tra Inglatera den e semifinalnan di Campeonatonan
Europeo a ser stroba ayera ora nan mester a cambia
plannan di biahe pa ciudad anfitrion Dortmund pa
via di un “blokeo” riba liña di trein.
E Hulandesnan mester a tuma un trein for di Wolfsburg
pa Dortmund pero servicio a ser cancela, e equipo a bisa.
E ora e equipo mester a bula aproximadamente 300 kilo-
meter pa yega Dortmund, cual a forsa e cancelacion di nan
conferencia di prensa na Westfalenstadion cu entrenador
Ronald Koeman y defensa Nathan Aké.
Media Hulandes a reporta cu hungadornan y staff tabata
riba e plataforma di stacion ora nan a haya sa tocante e
problema cu servicio. Alemania a ser enfrenta cu temper-
aturanan hopi cayente ayera.
Miembronan di e equipo tipicamente ta tuma un cana riba
veld riba e dia di wega na Euro 2024. Entrenador di In-
glatera Gareth Southgate a bisa cu e no ta anticipa cu e Hu-
landesnan lo ta contento cu e strobacion. “Nos ta hunga te
9or di anochi pues tin basta tempo,” Southgate a bisa cu un
sonrisa. “Mi ta sigur nan lo haya cena ora nan yega.”