Page 60 - MIN SOC JULY 10

Cambionan importante na caminda pa Aruba

Publication: Friday, 10 July 2015. Categoria: General
Tri-partite a continua:

ORANJESTAD (AAN): Minister di Labor drs. Paul Croes a reuni cu gremionan comercial y
sindical pa asina continua e reunion di tri-partite. E cambionan den e codigo civil (boek 7) ta e
topico di discusion.
“Reunion atrobe den un ambiente ameno, a logra algun acuerdo pero ainda nos no a yega na
consensus riba varios punto. Discusionan ta den un nivel halto y contribucion di cada partner den
e dialogo laboral aki ta importante”, Minister Paul Croes a declara na DIARIO ora cu reunion a
finaliza.
Participantenan den e Tri-partite aki ta Gobierno di Aruba (Minister di Labor & Departamento di
Labor), Sindicatonan (SEPPA & FTA) y Organizacionan di dunadornan di Trabao (ATIA /
SNBA / AHATA).
DIARIO a haya sa cu cambionan ta worde discuti den detaye pa trata na yega na e miho balance
entre e interes commercial / priva y interes di trahadornan di Aruba.
“Productividad y mas participacion riba e mercado laboral ta nos meta final. Teniendo na cuenta
como punto importante e proteccion y motivacion di empleadonan, esaki ta e balance cu como
Minister di Labor bo kier logra”, Minister Paul Croes a agrega.
E tri-partite nan aki lo continua te na momento cu termina e articulonan den discusion.
http://www.diario.aw/2015/07/cambionan-importante-na-caminda-pa-aruba/