Page 58 - MIN VOS

calidad di bida di e ciudadano. Mester evita pa concentra residencianan social
den mesun area of bario.

-Reforsa e posicion di centro di barionan como pilar di convivencia dentro di nos
comunidad y conscientisa nos comunidad di e importancia di esaki.

Tin hopi estudionan haci na unda a demostra cu movecion y interaccion cu
personanan den estado di demencia y alzheimer ta di beneficio. Mi persona
tambe tabatin e oportunidad pa envolvi e grandinan den movecion y recreacion.
E resultadonan tabata hopi positivo yen animo, calidad di bida di nos
ciudadanonan di edad tabata halto. E programa di POR lo bay percura cu nos
grandinan den tur bario lo tin e facilidad y posibilidad cu guia profesional pa
asina mantene y promove nan salud cerca di cas. Nos mester brinda un solucion
preventivo pa cu nan salud. IDEFRE a wordo cambia pa IBISA pa inclui salud y
pa 8 aña ta traha riba manehonan riba papel pero nada di ehecucion. Awo falta
menos cu 3 luna pa eleccion lo bay bin cu ne?

POR ta comprometi cu nos grandinan pa provee un miho calidad di bida. Mester
cuminsa di inmediato cu programanan y percura cu e centronan den bario ta
renoba y adecua pa asina nan por wordo uza optimalmente. Lo prepara
profesional y voluntarionan cu e conocemento pa asina implementa un
programa structura den tur centro di bario pa nos grandinan cu of sin limitacion.
Salud y bienestar di nos grandinan ta prioridad di e Plataforma nobo, POR.