Page 2 - AM210614
P. 2
2 AWEMainta Dialuna, 14 Juni 2021
Homber Domincano a secuestra su mama y su pareha, menasandonan cu cuchiu na garganta
Polis a negocia den forma tactico y
asina a logra un final feliz
DIADOMINGO merdia algo prome cu
12’or a surgi un situacion cu a bira tenso
den un cas na Tanki Leendert, momento cu
un homber a dicidi sucuestra un dama cu
un cuchiu na su garganta.
El a mustra Polisnan esey cu si nan drenta
e lo corta garganta di e muher, kende ta su
pareha.
Un agente di Team di Aresto a yega pa mira
e situacion y bay bek avisa su coleganan.
Despues di 1 ora Team di Aresto
Den un caravana e Team di Aresto a yega
y despues di basta ora di negociacion pasa
di 3’or di atardi e Team di Aresto a drenta e
cas, forza despues cu a conclui cu e homber
no kier a razona.
N’e momento eynan dos dama tabata se-
cuestra, pareha di e homber y su mesun
mama cu lo a yega pa papia cu ne.
Ta trata di un homber Dominicano, kende
ta conoci pa ta agresivo y un usador di dro-
ga. Segun Polis e homber su demanda ta-
bata pa drecha su papelnan di estadia aki
na Aruba, ya cu e ta ilegal. Y mester ser de-
porta.
Segun testigonan e homber aki tabata sera
caba y lo a sali bek.
Otro informacion cu nos ta dispone di dje
tambe ta cu e situacion aki a escala tambe
debi cu su pareha un dama Colombiana lo
ta infiel na dje y e lo no por biba cu esey.
Pues fuera di kier su papelnan regla e tin
problema cu su pareha, cu segun e homber
lo tin un amante.
Ora cu mama di e homber a yega pa papia
cu ne, el a opta pa tuma su mama tambe
como rehen. >>
