Page 6 - FLIP KPA

Diarazon Februari 11 2015 Pagina 7

Bicicleta ta cria pia for di cas

Asistencia di Polis a wordo pidi dialuna pa 11:42, na San Miguel unda ladronnan a bay cu dos bicicleta. E muher K. a bisa cu mas o menos 11:30, e’a
nota cu ladronnan a bay cu e bicicletanan for di cura. Polis a tuma e keho.

Homber cu a maltrata muher, a core bay for di e sitio

Asistencia di Polis a wordo pidi dialuna pa 11:10, cu urgencia na un cas na Bubali unda un homber tabata maltrata un muher. Na e sitio algun
mucha a mustra Polisnan e
sitio, unda e maltrato a tuma
lugar. Polis a bay na e sitio
y e muher a bay cerca nan
y a bisa cu el’a logra huy
for di e homber G.M. naci
na Corsou di 34 aña. Ora
cu G.M. a mira Polis, el’a
core bay. Polisnan a core
su tras y a logra gar’e, pero
el’a logra los y core bay den
mondi. Polis a hiba e victima
warda di Shaba pa Polis pa
duna keho na Recherche.
Den e aerea, Polis a haya
un un pistool di aire cu nan
a confisca.

Ladronnan
a kibra
windshield
pa bay cu
cartera

E homber Q. a bay warda
di Polis dialuna pa 11:10, na
warda di Polis na Santa Cruz
pa duna keho di ladronicia
for di su auto. El’a declara cu
23:30, el’a staciona su auto
Toyota Tercel tras di Palmita
Restaurant y pa 2:30, el’a
bay na su auto y no a nota
nada particular. Na caminda
pa cas el’a sinti algun straño
y a mira cu desconocirnan a
kibra e glas patras di e auto.
Na su cas, el’a mira cu e ta
haya falta di su cartera.

Ladronnan a
bay cu cuatro
tire for di auto

Asistencia di Polis a wordo
pidi dialuna pa 15:14, na
Italiëstraat pa un ladronicia
riba un auto. E homber A.,
doño di un auto Mazda
model rx-8 a bisa cu
desconocirnan a kita cuatro
tire di su auto. Polis a tuma
e keho.