Page 17 - WEB

ta pasando. Sr. Felicia ta splica cu el a bay hopi caminda, y ta su mama ta lucha
cun’e, dun’e awa, ya cu aworaki e no tin ni awa ni coriente. Sociale Zaken a
haci un fout, door di no kita placa di coriente cu awa. Y for di eynan, el a sinti
su mes hopi down, pakico FCCA ta kita su awa cu coriente, mientras cu Prome
Minister ta bisa cu no mag di kita awa for di hendenan di menos recurso.

Sr. Felicia ta un persona cu a haci basta operacion na su lomba, y na 2012 el a
wordo afgekeurd door di SvB. E ta un persona cu ta sufri di lomba y el a haci un
otro operacion na 1997. Despues el a bay traha cu Carlos Santana Construction.
El a puntra SvB si nan ta pag’e e daño na su lomba y nan a contest’e cu ta un
biaha nan ta paga pa un malesa. Sr. Felicia ta na man di dr. Meelis.

Mas aleu, Sr. Felicia a bisa cu dia pa dia e ta birando pio. Su mannan no ta
lanta y e tin cu haci un operacion, pero e no sa ki dia dr. Meelis lo haci esaki. E
ta desespera. Sr. Felicia ta bisa cu el a papia cu minister Glenbert Croes, cu
diferente hende. E ta pidi pa yud’e cu un stove cu frigidaire. Y pa paga su
cuenta di awa cu coriente, e ta buscando manera pa resolve esaki caba.

Dicon ta yuda otro nacion den necesidad, mientras cu un Arubiano den
necesidad niun hende ta saca un man yude? E ta un persona cu ta cobrando
525 florin pa luna, for di cual nan ta kita cierto cosnan y no ta resta nada pa e
por come. Ora cu el a bay pa regla di huursubsidie di FCCA, e mucha muhe na
FCCA cu e no ta keda cu ni cu 50 florin e ta keda pa luna den su saco.

E ta gradici su bisiña y su mama cu ta yud’e cu cuminda. Pa e por come, e ta
haci cierto trabaonan ariba beach pa e por cera su cen pa e tin cuminda. E ta
pidi gobierno pa averigua situacionnan di hendenan den menos recurso. E ta
busca trabao, pero e ta wordo rechasa. Cual compania ta bay contrata un
persona cu e lo tin gasto cun’e? Niun caminda.

Door cu e la haci fout di comete destruccion na e meter di WEB, ora cu el a
corta e klem ora cu WEB a cera su awa, y Prome Minister a bisa cu no ta corta