Page 19 - AWEMAINTA
P. 19
Diamars, 19 December 2017 AWEMainta 19
Despedida pa mentor Charité Hu-a-ng-Brion
DEN HAAG – Recientemente a
tuma lugar na Gabinete di Aruba des-
pedida pa studiementor di Den Haag,
Delft y Leiden, sra. Charité Hu-a-ng-
Brion. Esaki a tuma lugar den pres-
encia di Minister Plenipotenciario sr.
Guillfred Besaril, Directora interino
sra. Shandra John, funcionarionan di
Departamento di Enseñansa di Gabi-
nete di Aruba, colega studiementornan
y sr. Cesar Hu-a-ng, esposo di Charité.
Studiementor sra. Edy Ranada a tene
un discurso den nomber di e otro stud-
iementornan y sr. John Dirks a haci en-
trega den nomber di e studiementor-
nan un regalo na Charité kende tabata
un cuadra di un studiante Arubiano
Denzel Ellis.
Minister Plenipotenciario Guillfred
Besaril a haci entrega di un plakaat na
Charité. E inscripcion riba e plakaat
ta bisa: ‘Reconocemento di aprecio y
gratitud di Gabinete di Minister Pleni-
potenciario di Aruba na Charité Hu-a-
ng-Brion pa su añanan di dedidacion
na guia di studiantenan Arubano na
Hulanda’.
Finalmente sr. Besaril a gradici Charité
p’e añanan di trabao como studiemen-
tor y a desea Charité tur clase di exito
den futuro.
Charité a gradici tur hende p’e bunita
palabranan y e regalonan. El a bisa cu
tur e añanan cu el a traha pa Gabinete
di Aruba el a haci esaki cu gran amor y
na bienestar di nos studiantenan.
Mentor pa Rotterdam, sr. John Dirks,
lo tuma e ciudadnan Den Haag, Delft
y Leiden for di Charité over.
(Potretnan ta cortesia di Cas di Aruba)
