Page 42 - AVP

ORANJESTAD (AAN): Parlamentario Endy Croes a amplia riba e Jaarverslag 2019 di
Promer Minister Evelyn Wever Croes. Promer Minister a traha incansabelmente pa cera
e ‘gap’ cu Hulanda y tambe cu e islanan ruman.

Manera nos tur por corda con Hulanda a prohibi Gobernador pa firma presupuesto 2014
pa motibo cu esaki tabata tin un deficit di 444 miyon florin.

Mike Eman enbes di bay Hulanda y trata di resolve e desaster financiero cu el a crea pa

pais Aruba a dicidi di bay protesta bou di un palo y a drenta welga di hamber. Scondi
den anochi e tabata “fuel” su curpa cu Ensure.

Pues manipulacion na estilo di Mike. Mike kier bay shelo pero no kier muri. Riba dje

Mike Eman a haci un expresion hopi pisa yamando e Hulandesnan pa “verkrachters”.
Esaki a cay pisa den cara di Hulanda y e relacion desde aki a deteriora por completo.

Minister Presidente den 2019 a sigui traha duro riba e relacion entre islanan pero tambe

cu Hulanda. Poco poco pero sigur ta logrando pa cera e ‘gap’ entre Aruba y Hulanda
creando e espacio pa Hulanda haya e confiansa bek den Pais Aruba. Alabes tin
palabracionnan cu Hulanda cu Aruba lo traha riba su propio “begrotingskamer” y
unabes esaki ta cla Aruba lo recupera su autonomia por completo, esta e autonomia cu

AVP a entrega na Hulanda door di mal maneho financiero.

Banda di esaki a reuni na 3 ocasion cu e Promer Ministernan di Corsou y Sint Maarten.
E promer reunion cual a tuma lugar den luna di januari 2019 tambe a asisti e 3

Ministernan di Financien. Den e reunion na september 2019 a asisti tambe Minister
President di Hulanda, esta Mark Rutte. A reuni specificamente riba temanan manera
Integridad, problematica di Venezuela y migracion y calamidad.

Dia 26 di october 2018 Minister Presidentenan a firma un protocol di cooperacion unda
a instrui SER (Social Economische Raad di e islanan) pa traha y organisa un simposio
riba Labor y Migracion.

E simposio aki a tuma lugar dia 10 di mei 2019 na Corsou y tabata un exito rotundo.
Banda di esaki Minister President Evelyn Wever Croes a asisti na 3 reunion di
Rijksministerraad atendiendo topiconan di vital importancia entre otro tambe posibel
aanwijzing of KB di cual integrantenan di partido AVP tanto ta anhela pa Aruba haya.