Page 49 - AVP

ORANJESTAD (AAN) — Na varios ocasion durante ultimo simannan, DIARIO a adverti pa
loke por a pasa ayera ora Asamblea Nacional mester a prolonga e responsabilidad di
Juan Guaidó como Presidente di Asamblea Nacional y na mes momento Presidente
Interino di e pais.

DIARIO a mustra cu e negociacionnan entre Aruba y Citgo por drenta un ambiente
dificil despues di ayera y cu autoridad na Aruba y den region ta riba alerta pa loke ta
trata siguridad nacional.

Informacionnan cu DIARIO a ricibi ayera despues di e ultimo desaroyonan na
Venezuela, ta mustra cu awor mester papia di un guera civil na Venezuela, caminda
violencia a wordo uza pa evita cu Nicolas Maduro lo a haya su derota atrobe.

Manera den edicion di awe DIARIO ta mustra, ta for di 2015 ya mayoria di Venezolano
a bay contra Nicolas Maduro y esaki a haci cu Juan Guaidó por a bira Presidente
Interino.

Informantenan ta papia di un peliger mas grandi pa siguridad nacional di Aruba.
Aparentemente durante ultimo simannan servicionan di inteligencia di varios pais
tabata prepara paisnan den region pa e situacion politico nobo na Venezuela.

Informantenan a indica cu no ta trata aki solamente di Maduro contra Guaidó.

Rusia algun dia pasa a anuncia, cu despues di 5 di januari, pues ayera, e lo bolbe hinca

placa y duna mas asistencia na Venezuela. Rusia a pone enfasis cu ta despues di e
eleccion di ayera, e lo bay duna mas cooperacion na Venezuela.

Siman pasa tambe a bira conoci cu PDVSA cu a keda bou control di grupo Maduro, cu

kier considera su mes tambe doño di Citgo manera el a mustra den Corte na Merca, a
bira partner den negoshinan cu China y Rusia loke ta kibra e nacionalisacion di petroleo
cu Chavez a introduci.

Informacionnan ta mustra riba un situacion alarmante dilanti costa di Aruba. E hecho cu
un grupo di diputado a traiciona Guaidó a base di interes personal manera tambe for di
siman pasa a sali den publicidad, ta crea mas desesperacion cerca Venezolanonan cu lo
trata di bandona e pais.