Page 26 - AweMainta 11NOV15

26 AWEMainta Diaranson, 11 November 2015

Brazil Taekwondo a reuni hunto
cu su miembronan tocante di

Aruba Taekwondo Classic 2015

DIAHUEBS anochi tabata un anochi cu hopi atencion riba e Aruba Taekwondo

Classic 2015, mirando cu ta falta solamente 2 siman p’e evento aki tuma lugar na
Eagle Tennis Club.
Tur e aletanan di Venezuela ta train duro pa enfrenta Aruba, specialmente e dos

damanan y e dos mucha hombernan cu ta bay bringa den
TK2, na unda cu 4 hende ta bay bringa n’e mesun mo-
mento.

Un di e cambionan cu tin caba ta cu dos atleta di Aruba
lo no participa mas, pero ya a haya remplaso pa nan.

Thais Rodrigues lo bay ta un di e damanan cu ta
bay bringa contra di Gloriana Paola Hernandez
Reyes for di Venezuela.
A planea pa reparti flyers p’asina por bin
apoya e atletanan cu ta bringa dia 21 di
november 2015 na Eagle Tennis Club.
Durante di e reunion a cambia tambe e
fecha di e car wash y food sale pa dia
15 di november na Centro di Bario
Brazil.
Tur cos a keda cla tambe p’e biahe
pa Corsou pa dia 27 di november
unda cu un total di 28 persona ta
bayendo p’e TK5 na Corsou. Esaki lo
bay t’e prome biaha cu Brazil Taekwondo
Stichting lo bay ta biahando na grandi.

Durante di e reunion a reparti tur e tar-
eanan na tur esnan cu lo bay ta envolvi
cu Aruba Taekwondo Classic 2015 cu
lo bay t’e talk of the town, specialmente
e 4 bringadornan bringando n’e mesun
momento.