Page 13 - Min.vos

DIAMARS 16 DECEMBER 2014 DIARIO PAGINA 15

Deportivo Nacional Campeon Copa Fedeveta 50 + 2014...

Dakota Stars Campeon Copa Fedeveta 35+ 2014....

** Durante e gran final Copa
Fedeveta 2014 riba tereno di
SV RCA, Deportivo Nacional
ta vence Inter di RCA cu e
score di 2-1 pa asina retene
nan titulo como campeon Copa
Fedeveta 50+ pa di tres aña
consecutivo. Apenas 5 minuut
di prome tempo Juan Sevillano
ta duna Jan Poets un pase pa
asina manda keeper Joselito bai
piki e prome goal pa Deportivo
Nacional. Despues Icho Martis
ta kop e bala den goal pa Inter
RCA empata e wega na 1-1.
Despues di sosiegio den apenas
1 minuut di wega Jan Poets ta
duna Juan Sevillano un pase
pa asina score e goal cu a
resulta esun di victoria pa titula
Campeon. Prome cu e weganan
di final, Roma ta vence Arusur
2-0 pa asina keda contento na
di tres lugar. Den categoria di
35+ Bubali ta gana Caravel
pa asina bai cas cu e copa na
di tres lugar. E wega final den
categoria di 35+ entre RCA vs
Dakota Stars tabata uno di hopi
emoshon cu a keda empata na
0-0 y tambe den extra tempo a
keda empata. Dakota Stars a
resulta mihor prepara pa tira
tur nan pinalty, mientras cu
RCA ta faya den pinalty. Den
categoria di 35+ Gregory
“Dedo” Lake a resulta como
goalgetter, mientras cu Maikel
Rasmijn di Dakota Stars a sali
como e hungador mas valioso.
Den categoria di 50+ Frencel
Geertruida di Roma a resulta
goalgetter, mientras Jorge
Restrepo di Deportivo Nacional
a resulta como e hungador
mas valioso. Sr. Franklin
Fingal, secretario incansabel di
Fedeveta den nomber directiva
ta manda un Pabien grandi na
e teamnan campeon y alaves ta
desea henter Pueblo di Aruba
un felis dianan di fiesta cu hopi
Bendishon!...