Page 24 - Min.vos

Ta nos mes na cas y negoshi mester tuma accion pa elimina criadero di sangura cu por occaciona
casonan di Chikungunya y Dengue. Sr. Clayton Croes di GKMB a duna mas splicacion.
Sr. Croes a cuminsa bisando cu awa ta sigui yobe y logicamente nos tur ta contento cu esey y tur
caminda bo ta, mira matanan berde. Pero mester keda enfatisa u ta hopi importante pa bo atende cu awa
ku ta keda para rond di bo kas of negoshi despues di un yobida. Pues di nos cada uno ta depende cu bo
mes ta crea un criadero of bo ta bay tin djies un bon sistema pa muha bo matanan. Ta hopi importante pa
keda controla pa si tin tankinan, barinan y pos cu awa pa nan ta bon geseal. Di e forma aki por elimina na
un manera hopi facil tur criadera y asina evita tur sangura.
Segun sr. Croes nan ta hayando hopi yamada, sigur di casonan sospechoso di chikungunya y dengue.
Manera cu drenta un yamada na GKMB ta actua mes ora pa trata esakinan of pa duna informacion.
Sr. Croes a bolbe enfatisa cu ta hopi importante pa duna tur atencion na eventual criadero, pa evita
esakinan. Hopi criadero ta nos mes ta crea nan. Door di elimina e criaderonan nos por baha e cantidad di
sangura y controla casonan di dengue y chikungunya.