Page 6 - AM230215

6 LOCAL AWEMainta Diaranson, 15 Februari 2023

No solamente caso Chris Romero

Practicamente tur Minister trahando

c’un DVO pa emplea trahado

a algun aña caba tin un “personeelstop” den
P e aparato publico pero asina mes por mira
un grupo trahando cu gobierno den edificio di
Cocolishi y kendenan mayoria no ta den servi-

cio permanente di gobierno pero ta fungi como
consehero di casi tur minister di gabinete Wever
Croes.

E entrada hudicial na cas di ex Minister Chris
Romero lo tin di haber cu trahadonan cu a wordo
emplea segun e sistema di DVO cu a wordo intro-
duci pa gobierno di MEP pa asina no solamente

viola e areglo cu tin di personeelstop pero pa
asina mes cumpli cu sostenedornan di partido
y tambe e conocido grupo di friends and family.
E sistema di Dienst Regeling Overeenkomst ta

permiti gobierno pa medio di un Minister, pidi un
tipo di oficina pa busca trahado pa su ministerio
den calidad di un contractant of consultant cual
personanan lo tin cu bay cas asina cu e gobierno

bay cas y di e forma aki e grupo aki no ta cay
bou di aumento di personal.

Ta sosode si cu caminda un vacatura presenta su mes, cu algun di e
hendenan aki ta wordo aloca y asina nan ta keda den servicio perma-
nente di gobierno, algo cu CAft a hala atencion di gobierno na varios

ocasion, riba aumento di gasto di personal.

E sistema di DVO segun informacion extra oficial ricibi den ultimo dianan,
ta un sistema cu practicamente tur Minister den gabinete Wever Croes I

y II a haci uzo di dje pa asina tin coordinadonan den servicio.

Prome Minister semper a insisti cu e no tin coordinador den servicio di
gobierno pero nunca a menciona cu nan ta aplicando e sistema aki di

DVO caminda esunnan den servicio, no ta ser reconoci como un gasto
di personal cu ta permanente.