Page 6 - MIN ON

Parlamentario Jeffrey Kelly: Oposicion no por tapa wowo pa

un inversion di 73 miyon florin den renobacion y mantencion

di scolnan

Thursday, 29 June 2017 10:25
Comparti

Parlamentario Kelly a tuma nota di un articulo caminda cu DOW ta splica tocante e inversion cu a wordo
haci durante e ultimo añanan pa loke ta regarda infrastructura di nos scolnan. Pueblo por a mira pa su
mes con rond di Aruba renobacionnan y mantencion di un gran cantidad di scolnan a tuma luga.

DOW a splica cu tin un total di 84 scol den mantencion bou di nan. Kelly ta reitera cu na varios ocacion
su persona a splica esaki den ruedanan di prensa di Partido di Pueblo Arubano AVP y tambe via
articulonan den corant. Inversion E prome pregunta cu nos tin cu haci nos mes ta dicon mester a inverti
73 miyon florin na renobacion y mantencion di nos scolnan. Aruba tabatin un gobierno di Mep cu tabata
8 aña na mando y tabatin e oportunidad pa traha pa nos enseñansa. Ta kico nan a haci anto? Si tanto nan
a traha pa enseñansa manera cu mester ta, awe nos scolnan lo no tabatin mester di renobacion. Si di
berdad nan tabatin enseñansa asina na pecho, maestronan lo no mester a welga 8 siman largo. Awe bo
tin un gobierno cu a traha cu curpa y alma pa drecha nos enseñansa. Un gobierno cu ta inverti 20% di
presupuesto di pais den enseñansa, anto awe MEP y otro opositornan ta insinua cu e gobierno aki no a
haci suficiente pa enseñansa. Opositornan por keda critica y piki pieu, pero e realidad por wordo
comproba ora cu bo core rond di Aruba y wak e estado di nos scolnan aworaki. Nos por wak claramente
unda e 73 miyon florin cu DOW ta papia di dje a bay. Actualmente ainda ta bezig ta renobando y
construyendo scolnan. Esaki ta loke e gobierno aki a bin ta haciendo desde 2009, caminda cu a haya
edificio di scolnan den un estado deplorabel. Gobierno di AVP a sa di demostra cu ta traha na bienestar
di e pilar di nos nacion cu ta enseñansa. E gobierno aki a percura pa tanto alumno y maestronan tin un
miho ambiente posibel pa traha aden pa asina forma un generacion di ciudadanonan cu lo sa di aporta
positivamente na nos comunidad.

http://www.24ora.com/index.php?option=com_content&view=article&id=123531:parlamentario-
jeffrey-kelly-oposicion-no-por-tapa-wowo-pa-un-inversion-di-73-miyon-florin-den-renobacion-y-
mantencion-di-scolnan&catid=12:politica&Itemid=18