Page 17 - MIN TTC DEC 23,2015
P. 17
AWEMainta Diaranson, 23 December 2015 19
Parlamentario Jeffrey Kelly: PARLAMENTARIO Jeffrey Kelly ta
E amor pa nos cultura a contento di mira e aceptacion cu e Fes-
resalta durante Festival di tival di Dande di diadomingo ultimo a
Dande y propio composicion gosa di dje.
Na comienso tabata mustra cu dife-
rente agrupacionnan tabatin problema
pa mantene nan mes na e orario stipula
cu ta 6’or di atardi. Pero despues cu a
haya cooperacion di agrupacion Alma
Folklorico pa entretene e publico cu
tabata presente di trempan caba, esaki
a contribui na un energia positivo pa cu
e festival. Despues di esaki tur e agru-
pacionnan a yega y despues por a mira
un linear park completamente yen.
Pueblo y turistanan tabata disfruta di
e ambiente cultural cu tabata reina.
Parlamentario Kelly kier a manda un
palabra di pabien na e incansabel Sr.
Harry Croes cu pa 40 aña a sa di carga
e festival aki den tempo bon y den
tempo malo, demostrando su amor
pa nos cultura y den e caso aki nos
Festival di Dande. Tambe na henter
e comision organisador y e cuerpo di
hurado, encabesa pa Sr. Roy Sneek cu
semper a coopera como presidente di
hurado durante diferente festivalnan
di cultura.
Parlamentario Kelly tambe kier a
manda un palabra di pabien na henter
e pueblo di Aruba cu a sa di sostene e
Festival di Dande, a pesar di diferente
cambionan cu tabatin e aña aki, e. o.
cambio di lugar y di orario.
Den mesun rosea, Parlamentario Kelly
kier a felicita tur e ganadornan di e
Festival di Dande y propio composi-
cion. Parlamentario Kelly kier a desea
henter nos pueblo felis dianan di fiesta.
Un bon Pasco y un aña 2016 yena cu
paz y prosperidad.
