Page 13 - LOTTO

E concepto final di e rapport “Feasibility Study & Social

Economic Impact Study pa Multi Beach Sports Complex” a

ser presenta

Thursday, 04 May 2017 19:19
Comparti

Recientemente Minister di Deporte, Dr. Alex Schwengle, Fundacion Lotto Pa Deporte, PriceWatterhouse
Coopers y Arubaanse Voetbalbond a haya un presentacion di e concepto final di e rapport
“Feasibility Study & Social Economic Impact Study pa Multi Beach Sports Complex”.

Na oficina di PriceWaterhouse Coopers tur stakeholders por a presencia e draft final di un hoya di
proyecto cu sigur tin e derecho di existencia mirando e potencial y impacto cu e proyecto lo tin pa Aruba,
e deporte y e aspecto turistico y cultural cu e lo trece cune. Cu otro palabra e ta un synergia entre deporte,
economia, cultura y pueblo. Segun presidente di St. Fundacion Lotto pa Deporte, sr. Di Stefano Wernet
RA; “For di prome instante caba ora Arubaanse Voetbal Bond (AVB) a bini cu e pensamento aki, Minister
di Deporte, Dr. Alex Schwengle a haya e proyecto uno bon y tabata kier esaki wordo realisa. Asina a
cuminsa na traha riba e prome concepto di “Multi Beach Sports Complex”. E idea ta pa traha un stadion
di beach sports (futbol, tennis, volleybol, rugby & hockey) multi funcional pero pa fortifica esaki y bay
internacional cu un FIFA y CONCACAF ta exigi un rapport y pa e motibo aki tambe a acerca Price
Waterhouse Coopers. Dentro di poco lo finalisa e rapport unda lo bay sinta cu Gobierno di Aruba como
tambe e federacion mundial di futbol FIFA & CONCACAF”. E investigacion aki ta uno cu tambe a wordu
financia dor di Lotto. Nos Ministro di Deporte, Dr. Alex Schwengle ta haya hopi importante cu tin
investigacion nan professional & sientifico den e area di deporte pa por tuma decision nan responsabel.
Mester bisa cu tin e indicacion unda cifra ta mustra cu e proyecto ta uno realisabely mester bay traha riba
esaki, e tin su inversionnan.

Aunke no por anticipa e rumbo di e proyecto, pero no tin ningun duda cu e proyecto aki tin su dereho di
existencia. E localidad cu tin den mente unda lo traha e projecto ta e area di Bushiri pero si teniendo na
cuenta cu esaki por keda accesibel pa publico,cual ta un punto importante di salida di e rapport. E
localidad lo bay ta uno multi-funcional y ta na bienestar di e deportenan cu lo por praktica riba santo
blanco manera futbol di playa, beach tennis, beach volleyball y hasta a pensa riba rugby sin laga afor
beach hockey unda cu por ehempel Hulanda ta adelanta den e deporte nobo aki. Un proyecto manera e
“Multi Beach Sports Complex” uno ta centralisa un caminda y ta duna e oportunidad pa cuida e otro parti
di e beachnan na Aruba paso den un facilidad multi por praktica tur tipo di deporte di playa. Rond
mundo esaki a mustra di ta existoso y mirando nos playa nan unico esaki sigur lo por bira exitoso na
Aruba, tanto local como internacional. Por ultimo no lubida cu Beach Volleybol ta un deporte olimpico.