Page 8 - MIN SOC

Minister Paul Croes a celebra nos Dia Nacional cu
Arubianonan na Hulanda

Sunday, 20 March 2016 18:30
Tweet
Comparti

Diadomingo Minister di Asuntonan Social, Hubentud y Labor, drs. Paul Croes tabatin e privilegio y
honor di por tabata presente na Arubadag. E actividad a celebra den forma grandi e hubileo importante
di nos Status Aparte y Himno y Bandera.
Den nomber di Prome Minister Mike Eman y hunto cu colega Minister Otmar Oduber, Minister Paul
Croes como Gobierno di Aruba a comparti cu tur e compatriotanan na Hulanda.
Entre discurso y potretnan, Minister Croes hunto cu miles di Arubiano y amigonan di Aruba presente
den e facilidad di Broodfabriek na Rijswijk, a sa di disfruta di tur e cosnan bon di come, bebe, wak, tende
y baila di nos dushi Aruba.
Den su turno na palabra, Minister Croes a expresa na e publico presente cu “tanten cu boso keda
mantene e amor pa boso isla y biba segun e balornan cu nos ta conoci p’e; unda cu boso por ta na mundo,
boso ta conecta directamente cu nos na Aruba. Boso tur ta Arubiano pa semper! Pabien Arubianonan na
Hulanda! Nos ta stima boso!”
Minister Paul Croes ta gradici Cas di Aruba y Minister Plenipotenciario na Hulanda pa tur esfuerzo haci
mescos cu tur miembro di comision, artista, boluntario y persona cu a asisti y asina engrandece e
Arubadag 2016.