Page 46 - MIN JUS - MAY 27,2015

Sentencia contra cuidadornan cu a bati preso a wordo apela
door di abogado Lejuez

Publication: Wednesday, 27 May 2015. Categoria: General

ORANJESTAD (AAN): Den combersacion cu
mr. Chris Lejuez abogado a splica riba un incidente den KIA caminda ocho cuidador di preso
mester a bai corte. Tabata tin un preso cu a dal un cuidador un mokete fuerte y lage tur na sanger.

E coleganan cuidador a rabia asina hopi cu nan a bai agredi e persona fuertemente. Tabata tin
varios suspendi y otronan cu a keda traha.

Abogado mr Chris Lejuez a splica cu tin un sentencia caminda seis cuidador a perde trabou y
castigo tabata severo. Huez a pone castigo incondicional pa tur seis. Ademas di castigo di prison
pa e seis cuidadornan di preso tabata tin tambe cinco aña cu nan no mag di taha mas como
empleado publico.

E ta un incidente of explosion emocional unda un cuidador a actua asina. Tur cos ta graba unda e
cuidadornan a agredi e preso. Asina mes esun caminda e preso a agredi e cuidador no tin
grabacion di dje. Tin un problema caminda cuidadornan ta traha oranan largo.

Den KIA no tin protocol den KIA ora un preso agredi un cuidador tampoco. Awor e cuidadornan
a bira victima di e situacion. E abogado ta kere cu e huez mester a sinti mas comprension. Tin
cuidador cu tin famia pa cria y un sentencia asina lo afectanan. Pesey a apela tambe contra e
sentencia y mester warda un fecha pa e caso wordo trata.

E dos cuidadornan cu a haya un sentencia pisa ta su cliente. E dosnan aki ta trahando ainda
mientras cu otro cuater ta suspendi y otro dos a haya vrijspraak. E preso mes despues di wordo
trata a bai bek cas bek y haya libertad. Asina mes algun dia despues el a cay sera atrobe pa
ladronicia.

Den KIA tin tension segun e abogado. Ta tension constant entre e presonan. Ainda por corda con
a kima parti di KIA. Tabata tin situacion unda mester a sera e area pafo pa pone e presonan
femenino y acomoda e presonan masculino den e parti di ser femenino.