Page 6 - AM220304

6|Diabierna, 04 di Maart 2022

Cooperacion entre Departamentonan

di Husticia ta dunando bon resultado

Pa Minister Rocco Tjon, interceptacion
di e boto cu personanan cu kier drenta
Aruba di un forma ilegal ta simplemente
resutlado di bon cooperacion entre de-
partamentonan concerni aki na Aruba.

E ta kere cu e cooperacion aki lo bay
duna mas resultado y lo yuda cu e fron-
tera di Aruba ta bon protegi di criminali-
dad y entradanan di e índole aki.

E mandatario ta bisa cu e ta un lucha con-
tinuo pa evita cu personanan ta drenta
Aruba via boto, na un manera ilegal. E
cooperacion entre e departamentonan,
manera palabra den e reunionnan stra-
tegico a bolbe duna su fruta.

A base di informacion di “Radarkamer”
di KPA, cual aworaki ta wordo ocupa
24/7, Guarda Costa ta logra intercepta
e boto cu tabatin 11 persona abordo.

Minister Tjon a bisa tambe cu banda di
e esfuerzonan cu ya caba ta wordo haci,
aworaki ta trahando pa bay amplia e
cantidad y capacidad di Aruba su radar-
nan. Pero na mes momento ta analisan-
do pa adapta nos leynan pa bay haci es-
tadia ilegal na Aruba castigabel.

Adicionalmente mester bisa cu tin boet-
nan pisa ta wordo duna na comerciante-
nan cu ta scoge pa emplea personanan
cu no tin un estadia legal na Aruba. Ulti-
mo boetnan cu a wordo duna na comer-
ciantenan ta yega te un suma di 100 mil
florin.

Por ultimo kier duna un palabra di gra-
dicimento na tur e departamentonan,
Guarda Nos Costa, Cuerpo Policial y
Kustwacht pa fortifica seguridad na nos
frontera. Autoridadnan local ta calcula
cu tin entre 15 y 20 mil persona kedan-
do Aruba di un forma ilegal.

Sea cu nan ta ilegal aki for di prome
of despues di cierre di frontera cu Ve-
nezuela tres aña pasa. Desde e cierre a
organiza diferente buelo di repatriación,
pero te ainda no a logra baha e canti-
dad di ilegalnan di forma considerabel.
Mayoria di esnan indocumenta aworaki
ta di país bisiña Venezuela.