Page 3 - HOH

GKMB completamente prepara pa e proximo temporada di
yobida

Tuesday, 25 July 2017 11:24
1

Comparti

Tin un desaroyo relaciona cu criadero. Salubridad Publico semper ta manda un mensahe y ta bon pa sa
e status. Clayton Croes ta director di GKMB y e ta splica cu ta bon pa keda duna atencion, mirando tur e
trabaonan cu ta wordo haci y sigur pa tene pueblo na altura di kico ta e trabaonan cu ta andando.

Por bisa tambe cu rond di 2 siman pasa, tabata tin algun problema chikito despues di e yobida cu tabata
tin, cu a haya diferente parti di riolering den Playa cu tabata blokia a forma criadero. Atrobe, esaki ta
duna mas trabao, pakico mester tin un departamento di GKMB activo henter aña, pa brinda pueblo e
servicio. Ta importante, mirando e cantidad di turistanan cu ta drentando den caya, pa proteha nan y
tambe proteha nos ciudadanonan cu ta traha den caya, pa malesanan cu por wordo transmiti door di
sangura, cu e turistanan por trece inconcientemente na nos pais. GKMB a responde inmediatamente, na
momento cu comerciantenan a cuminsa meld na departamento di Salud Publico y GKMB y berdad a
haya criaderonan den e rioleringnan cu a blokia y di e mesun manera tambe e diferente obhetonan cu
inecesariamente tabata poni patras di edificionan, sushedadnan cu tabata tin den diferente seronan
inecesario, cu ta keda algo cu ta keda sosode. Di e mesun manera sa cu di parti di GKMB semper ta cla
pa responde pa e tipo di actividadnan aki, ora pueblo pidi pa esaki. Di e mesun manera GKMB tambe ta
pidi esaki for di comunidad, unda cu tin situacionnan cu por causa peliger, por ta un situacion unda cu
por tin criaderonan potencial of activo di e sangura di pata blanco, cu por pasa e malesa Chikungunya y
Zika. Tuma contacto cu GKMB y Salud Publico.

E teamnan cu ta haci e trabao aki ta responde inmediatamente, brindando comunidad di Aruba e
servicio cu nan ta pidi y sigur dunando 100% di input. E controlnan di cas pa cas ta andando, dunando
un bista con e populacion di Aruba ta compotando su mes pa loke ta prevencion di sangura. E parti
preventivo di loke ta Dengue, Chikungunya y Zika ta completamente basa riba control di cas pa cas y
esaki ta bayendo hopi bon. E comunidad di Aruba ta un comunidad cu ta pone atencion, cu di berdad tin
su salud na pecho y tin cu keda asina. Tin cu keda stimula como salud publico y ocasion manera esaki
sigur ta duna e posibilidad pa haci esaki. Ta importante pa GKMB tey pa ofrece su servicionan pa Aruba
completo y di e mesun manera, pidiendo e cooperacion di Aruba completo, pa semper y cuanto, pa
tuma nota cu si tin molester di sangura, contact GKMB, pa asina claro e expertonan cu semper ta full up
to date, pa loke ta e tipo di malesanan aki cu sangura por transmiti, por haci nan trabao debido tambe.