Page 8 - 07May2022

PAGINA 8 DIARIO DIASABRA 7 MEI 2022

Pa resalta Aruba su turismo
Gonzalo Restrepo cu colorido y
alegre show semanal “Carnival

Cabaret” na Aruba

ORANJESTAD (AAN) – Den entrevista cu DIARIO,
Gonzalo Restrepo a duna informacion tocante un evento yama
“Carnival Cabaret”, cu a tuma lugar Diamars di e siman aki
na un nightclub den King Plaza.
El a bisa cu e evento aki lo bay door tur Dialuna desde dia
16 di Mei, y ta algo cu e ta trahando riba dje pa Aruba su
cultura, pa nos mes comunidad y e turistanan sa cu Aruba
tin un cultura hopi bunita. Pa e turistanan e ta duna nan
un significado, cu nan por bay nan pais bek cu algo di Aruba.
E show aki tabata hopi colorido, cu ta alegria di e “One happy
Island” cu ta Aruba.
Diasabra 21 lo tin e pre-opening di otro evento yama Drag
Show, estilo Las Vegas, cu hopi luho, pluma y glamour.
Restrepo ta invita henter pueblo di Aruba pa no perde e
shownan aki na e club nocturno.