Page 18 - WEB
P. 18
un material ecologicamente sostenibel cu ta evita holor, musca y otro molesternan
desagradebel.
Esaki despues ta wordo ubica den un area cual por wordo uza pa yena dumpnan ilegal of
buraconan grandi cu despues por bira e.o. parkenan recreacional.
E bultonan aki (Envirobale) a wordo diseña por medio di e industria di desperdicio pa
facilita mas ainda e proceso di desperdicio rond mundo den general, e ta un solucion mas
limpi y saludabel pa nos medio ambiente.
Rebaho drastico di tiramento di sushi na Parkietenbos
Prome cu juli 1, EcoGas tabata procesa un average di 3000 tonelada pa luna, awor cu
Serlimar tambe ta depositando desperdicio e cantidad ta mucho mas. Tin indicacion, cu
for di e acuerdo entre Serlimar y EcoGas a drenta den vigor, cu un parti di desperdicio
municipal destina pa Parkietenbos ta yegando EcoGas y cu esaki ta consisti
principalmente di desperdicio residencial.
Mienstrastanto ta den espera di yegada di e parti di desperdicio comercial. E logro di mas
grandi pa Aruba ta cu e desperdicio residencial aki no ta wordo deposita mas na
Parkietenbos, mitigando e problema ambiental na Parkietenbos.
Desde su inicio na 1999, EcoGas su filiosofia ta uno di cooperacion na unda henter
comunidad por uni pa remedia e gran problema di desperdicio cu ta reinando riba nos
isla.
