Page 23 - AHATA

Ultimo dianan loke ta domina tema di combersacion den mundo di aviacion y mundo

crucero ta: coronavirus. Den Caribe tambe despues cu a bira conoci cu abordo di e barco

crucero AIDAperla lo tin algun persona cu sintomanan di griep.

E crucero ta biahando e dianan aki den Caribe y a sali dia 23 di januari for di Republica

Dominicana y ta pasando den Caribe riba un biahe di dos siman.

Pero cuatro persona abordo di e barco a mustra sintomanan cu ta similar na esnan di
coronavirus. Esaki a pone cu por lo menos tres puerto a nenga entrada na e barco

aki. Awe, diamars, autoridadnan di Departamento di Salud Publico y di waf a duna
autorizacion pa e barco por a drenta waf di Sint Maarten cu mas di 3 mil persona abordo.

E cuatro personanan cu ta mustra sintomanan similar na coronavirus ta den cuarentena

abordo di e barco. Autoridadnan di salud local y internacional conhuntamente a haci un

inspeccion abordo di e barco prome cu a duna autorizacion pa e barco drenta.